મોદી સરકારના 4 વર્ષ પૂર્ણઃ PM આજે કટક ખાતે 'સાફ નિયત સહી વિકાસ' અભિયાનની કરશે શરૂઆત

નવી દિલ્હીઃ પ્રધાનમંત્રી નરેન્દ્ર મોદી આજે કટકની મુલાકાતે લેશે. કટક બાલીયાત્રા મેદાનમાં યોજાનારી જનસભાને પણ તેઓ સંબોધશે અને પોતાના ચાર વર્ષના કાર્યકાળનો હિસાબ આપશે. તો આના માટેની સંપૂર્ણ તૈયારીઓને પણ આખરી ઓપ દેવાયો છે. તો સાથે સાથે પ્રધાનમંત્રી મોદી અહીંથી સાફ નિયત સહી વિકાસ અભિયાનની પણ શરૂઆત કરશે. 

આ અભિયાન હેઠળ ભાજપ મોદી સરકારના ચાર વર્ષના રિપોર્ટ કાર્ડ લોકો સુધી પહોંચાડશે. તો આ અભિયાનને 2019ની સામાન્ય ચૂંટણીની તૈયારીઓના ભાગરૂપે જોવામાં આવી રહ્યું છે. 

ઉલ્લેખનીય છે કે પીએમ મોદી સરકારના આજે ચાર વર્ષ પૂરાં થયા છે. 26મી મે 2014માં પીએમ મોદીએ પ્રધાનમંત્રી તરીકે શપથ લીધા હતા. તો આ અંગે પ્રધાનમંત્રી મોદી અને અમિત શાહે ટ્વીટ પણ કર્યું છે.

વિકાસ બન્યુ જન આંદોલન  
2014માં આજના દિવસે આપણે ભારતના પરિવર્તનની દિશામાં કામ કરવાની યાત્રાની શરૂ કરી હતી. પાછલા ચાર વર્ષોમાં વિકાસનો મુદ્દો જન આંદોલન બની ગયો. જેમાં પ્રત્યેક નાગરિકની ભાવના ભારતના વિકાસમાં સામેલ છે. 125 કરોડ ભારતીયો ભારતને ઉંચાઈ પર લઈ જઈ રહ્યાં છે.  - PM નરેન્દ્ર મોદી 
 

देश का बढ़ता जाता विश्वास... साफ़ नीयत सही विकास #SaafNiyatSahiVikas pic.twitter.com/WBVOEdNWMs

— Narendra Modi (@narendramodi) May 26 2018

ભારતને ગૌરવ અપાવ્યું
પાછલા 4 વર્ષમાં દશકોથી વિકાસથી દૂર ગરીબ વંચિતો પછાત અને ખેડૂતોના દરવાજે સરકાર અને તેની જનકલ્યાણકારી યોજનાઓને લઈને સંપૂર્ણ વિશ્વમાં ભારતને ગૌરવાન્તિત કરવાવાળી મોદી સરકારના ચાર વર્ષ પૂર્ણ થવા પર પ્રધાનમંત્રી મોદીજી અને તેમના મંત્રીમંડળને અભિનંદન. - અમિત શાહ રાષ્ટ્રીય અધ્યક્ષ ભાજપ