નુકસાન / વડોદરામાં ધારાસભ્યનો કૃષિમંત્રીને પત્ર, ખેડૂતોની નુકસાનીનો સર્વે કરી વળતર આપવામાં આવે, નહીંતર ધરણાં કરીશું

• વરસાદ ખેંચાતા ખેડૂતો મુશ્કેલીમાં
• કપાસ, ડાંગર સહિતના પાકો મુરઝાયા
• નુકસાનીનો સર્વે કરવા ખેડૂતોની માંગ

ગુજરાતમાં આ વર્ષે વરસાદ  ઓછો થતા ખેડૂતોની મુશ્કેલીમાં વધારો થયો છે, જુલાઈ બાદ વરસાદ પાંછો ખેંચાતા અનેક વિસ્તારોમાં પાકની સિંચાઈ માટે ખેડૂતોને પૂરતું પાણી મળ્યું નથી, ત્યારે વડોદરામાં પણ કપાસ, ડાંગર સહિતના પાકો સુકાઈ જતા ખેડૂતોને રોવાનો વારો આવ્યો છે. એવામાં ખેડૂતોને નુકસાનીની ભરપાઈ કરવામાં આવે તેવી માંગ ઉઠી છે. 

વરસાદ ખેંચાતા ખેડૂતો મુશ્કેલીમાં

રાજ્ય સરકાર વડોદરાના ડભોઈમાં નુકસાનીનો સર્વે કરે તેવી માંગ ખેડૂતો દ્વારા કરવામાં આવી રહી છે. સાથે જ ડભોઈ તાલુકાને દુષ્કાષગ્રસ્ત જાહેર કરવામાં આવે તેવી પણ માંગ ડભોઈના ધારાસભ્ય શૈલેષ મહેતાએ કરી છે. ડભોઈના MLA શૈલેશ મહેતાએ ખેડૂતોને ખેતીમાં થયેલા નુકસાનની ચિંતા વ્યક્ત કરતા કુષિમંત્રી આર.સી.ફળદુને પત્ર લખ્યો છે. 

ડભોઈના MLAનો કુષિમંત્રી આર.સી.ફળદુને પત્ર લખ્યો 

ધારાસભ્ય દ્વારા લખવામાં આવેલા પત્રમાં જણાવાયું છે કે ડભોઈ તાલુકામાં તાત્કાલિક અસરથી નુકસાનીનો સર્વે કરવામાં આવે અને તેમજ ખેડૂતોને સરકાર દ્વારા યોગ્ય વળતર આપવામાં આવે તેવી માંગ કરવામાં આવી છે અને જો માંગ નહીં સ્વીકારવામાં આવે તો તેમના દ્વારા ધરણા કરવાની ચીમકી ઉચ્ચારવામાં આવી છે.ડભોઇ તાલુકાના ખેડૂતોનો માનવું છે કે જો ચોમાસાની ઋતુ દરમિયાન 28 દિવસ વરસાદ ન વરસે તો દુષ્કાળ જાહેરાત કરવાની જોગવાઈ છે તેવામાં તાલુકામાં વરસાદ નોંધાતા દુષ્કાળ જાહેરાત કરે તેવી ખેડૂતો માગ કરી રહ્યા છે મહત્વનું છે કે ડભોઈ તાલુકામાં નુકસાની અંગે કિસાન સંઘની બેઠક યોજાઈ હતી.

માંગ નહીં સ્વીકારાય તો ધરણા કરવાની ચીમકી 

ડભોઈના ધારાસભ્ય શૈલેષ મહેતા દ્વારા ચાલુ વર્ષે ઓછો વરસાદ અને કપાસમાં આવેલા રોગથી ખેતીમાં થયેલા નુકસાનની ચિંતા કરીને ગુજરાતના કૃષિમંત્રી આર.સી.ફળદુને પત્ર લખી સરકાર દ્વારા યોગ્ય વળતર આપવામાં આવે તેવી માંગ ધારાસભ્ય દ્વારા કરવામાં આવી હતી.પત્રમાં કહેવાયું છે કે તાત્કાલિક અસરથી ડભોઇ તાલુકામાં થયેલા નુકસાનનો સર્વે કરવામાં આવે અને સરકાર દ્વારા ખેતીના પાકમાં થયેલા નુકસાનનું ભરપાઈ કરવામાં આવે અને જો માંગ નહીં સ્વીકારવામાં આવે તો તેમના દ્વારા ધરણા કરવાની ચીમકી ઉચ્ચારવામાં આવી છે.  

રાજ્યમાં સામાન્ય વરસાદની આગાહી

ઉલ્લેખનિય છે કે રાજ્યમાં હજુ વરસાદની કોઈ સંભાવનાઓ જોવા મળી રહી નથી, અને હજુ પણ રાજ્યમાં 48 ટકા વરસાદની ઘટ જોવા મળી રહી છે. હવામાન વિભાગ દ્વારા પણ વરસાદને લઈને આગાહી કરવામાં આવી છે. ત્યારે દક્ષિણ ગુજરાતમાં સામાન્યથી મધ્યમ વરસાદ પડે તેવી આગાહી કરવામાં આવી રહી છે. જો કે ઉત્તર ગુજરાતમાં તેમજ મધ્યમ ગુજરાતમાં વરસાદી ઝાપટા પડે તેવું હવામાન દ્વારા અનુમાન લગાવવામાં આવી રહ્યું છે. જ્યારે સૌરાષ્ટ્રમાં સમાન્ય વરસાદ પડી તેવું હવામાન વિભાગે જણાવ્યું છે.