તારક મહેતા કા ઉલ્ટા ચશ્મા સીરિયલની ફેન ફોલોઈંગ જબરદસ્ત છે. આ શોના દરેક કેરેક્ટર લાજવાબ છે. શોની પૂરી સ્ટારકાસ્ટ ફેન્સને ખૂબ જ પસંદ છે. જેથી તેમને જોઈને દર્શકોને એવું લાગે છે કે તેઓ રિયલ લાઈફમાં પણ સાથે જ છે. પરંતુ એવું નથી તારક મહેતાના એક્ટર્સની રિયલ લાઈફ વિશે આજે અમે તમને જણાવીશું.
ગોકુલધામ સોસાયટીના સેક્રેટરી આત્મારામ ભિડે એટલે કે મંદાર ચંદવાદકર તો ફેન્સના ફેવરિટ છે. શોમાં જ્યારે પણ તેઓ આવે છે પોઝિટિવિટી લઈને આવે છે. શોમાં મંદાર એક દીકરી સોનુનો પિતા છે પરંતુ રિયલ લાઈફમાં તે એક દિકરાનો પિતા છે.
શોના રિયલ તારક મહેતાનું અસલી નામ શૈલેષ લોઢા છે. એક્ટિંગની સાથે શૈલેષ લેખક પણ છે. તેમની પત્નીનું નામ સ્વાતિ છે અને તેમને એક દીકરી છે.
પોપટલાલ એટલે કે શ્યામ પાઠકનું નામ જ્યારે પણ આવે ત્યારે સૌથી પહેલાં તેના લગ્ન વિશે જ વાત થાય છે. શોમાં અપરિણિત પોપટલાલના રિયલ લાઈફમાં લગ્ન થઈ ગયા છે અને તે ત્રણ બાળકોનો પિતા છે.
માધવી ભિડે તારક મહેતાની એકમાત્ર બિઝનેસ વુમન છે. શોમમાં તે અથાણું અને પાપડનો બિઝનેસ કરે છે. હકીકતમાં માધવીનું નામ સોનાલિકા જોશી છે. તેના રિયલ લાઈફ પતિનું નામ સમીર જોશી છે અને તેમને એક દીકરી છે.
દિશા વાકાણી જે જેઠાલાલની પત્નીનો રોલ પ્લે કરી રહી હતી, તે છેલ્લા 2 વર્ષથી શોમાંથી ગાયબ છે. જોકે, થોડાં સમય પહેલાં એક એપિસોડમાં તેની એન્ટ્રી થઈ હતી. ફેન્સ તેને ખૂબ જ મિસ કરી રહ્યાં છે. દિશાએ મયૂર પડિયા સાથે લગ્ન કર્યા છે અને તેને એક દીકરી પણ છે.