સાવધાન / ...તો દેશભરમાંથી હજ્જારો ફોન થઇ શકે બંધ, મોબાઈલ કંપનીની આ બેદરકારીની કિંમત તમારે ચૂકવવી પડશે

• એક જ IEMI નંબર પર ચાલી રહેલા હજારો મોબાઈલના મામલામાં ફરિયાદ 
•  એક જ IEMI નંબર પર લગભગ 13357 મોબાઈલ બંધ કરવામાં આવશે
•  બહુ જલ્દી તમામ નંબર બંધ કરી દેવામાં આવશે.

મેરઠના એસએસપી અજય સાહનીએ જણાવ્યુ કે એક જ IEMI નંબર પર ચાલી રહેલા હજારો મોબાઈલના મામલામાં ફરિયાદ દાખલ કરવામાં આવી છે. સાઈબર ટીમ આની તપાસ કરી રહી છે. તમામ પુરાવાને જોઈને જે તે કંપનીઓને નોટિસ પાઠવવામાં આવી છે. નોટિસમાં કંપનીઓ પાસેથી 8 પોઈન્ટ પર જવાબ માંગવામાં આવ્યો હતો. આ નોટિસ પર જવાબ પણ આવી ગયો છે. કંપનીએ 4 પેજના ઈમેઈલ સાથે જવાબ મોકલ્યો છે. એસએસપીના જણાવ્યાનુંસાર કંપનીએ પોતાની ઘોર બેદરકારીને લઈને પાતાના તર્ક આપ્યા છે. પરંતુ મેરઠ પોલીસ આ જવાબથી સંતુષ્ઠ નથી.

એસએસપીનું કહેવું છે કે સમીક્ષા ચાલી રહી છે કે મોબાઈલ કંપનીને પુછવામાં આવ્યું છે કે કયા નિયમના આધારે આ કરવામાં આવ્યુ છે અને સરકારના નિયમો શું છે. IEMIને લઈને કેટલું પાલન કરવામાં આવ્યું છે. તેમણે કહ્યું કે બહું જલ્દી તમામ ખુલાસો કરવામાં આવશે. એસએસપી અજય સાહનીએ કહ્યું કે કંપની તરફથી કહેવામાં આવ્યું છે કે બહુ જલ્દી તમામ નંબર બંધ કરી દેવામાં આવશે.

ઉલ્લેખનીય છે કે દેશભરમાં 13357 મોબાઈલ ફોન એક જ IEMI નંબર પર કાર્યરત છે. માનવામાં આવી રહ્યું છે કે 24 કલાકમાં આ તમામ મોબાઈલના એક સિમ પર નેટવર્ક બંધ કરી દેવામાં આવશે.