અલ્પેશ ઠાકોરે બહુચરાજીની મુલાકાત દરમિયાન મારૂતિ અને હોન્ડા કંપનીઓને આપી ધમકી

મહેસાણાઃ બહુચરાજીની મુલાકાતે આવેલા ધારાસભ્ય અલ્પેશ ઠાકોરે મીડિયા સાથેની વાતચીતમાં યુવા રોજગારી અંગે આકર ચિંતા વ્યક્ત કરી હતી. તેની સાથે જ બહુચરાજી-વિરમગામ હાઈવે પર આવેલી મારુતિ અને હોન્ડા જેવી કંપનીને ચેતવણીના સૂરમાં ધમકી પણ ઉચ્ચારી હતી.

અલ્પેશ ઠાકોરે જણાવ્યુ હતું કે આ કંપનીઓ સ્થાનિક યુવાનોને રોજગારી આપે જો તેમ નહીં કરવામાં આવે તો આ કંપનીઓને આ વિસ્તારમાં સુખેથી ચાલવા દેશું નહીં. અમે બજેટ સત્ર સુધી નમ્રતાથી રજૂઆત કરીશું. પરિણામ નહીં આવે તો કંપનીઓ કઈ રીતે ચાલે છે તે જોઈ લઈશું.