તાત પર ઘાત / મોઢા આવેલો કોળિયો છીનવાયો: કમોસમી વરસાદથી ખેડૂતોની દશા બેઠી, મોટા પાયે નુકસાન, સહાય કરશે સરકાર?

• 2 દિવસમાં રાજ્યના અનેક તાલુકામાં માવઠા
• ખેડૂતોને પડ્યા પર પાટુ જેવી સ્થિતિ
• વરસાદથી પાકને મોટાપાયે નુકસાન

અરબી સમુદ્રમાં લો પ્રેશર સર્જાતા રાજ્યના મોટાભાગેના જિલ્લાઓમાં પડ્યો હતો.  કમોસમી વરસાદને કારણે જે તાલુકાઓમાં બે ઇંચ કરતા વધુ વરસાદ વરસ્યો છે. 2 દિવસ પડેલા વરસાદમાં ખેડૂતોના મહામુલા પાકને મોટું નુકસાન થયું છે. ત્યારે હવે સહાય આપવાની માંગ ઉઠી છે.

સરકારની ગાઈડલાઇન ઉપરવટ જઈ સહાય આપશે?
પાક નુકસાનની સહાય આપવાની માગ પાટણના ધારાસભ્ય કિરીટ પટેલે કરી છે..ધારાસભ્યએ મુખ્યમંત્રીને પત્ર લખીને સહાય અને સર્વે કરવાની માંગણી કરી હતી. કમોસમી વરસાદને લીધે, જીરું, કપાસ, રાયડો, પશુના ઘાસચારાની મોટું નુકસાન પહોંચ્યું છે. કેન્દ્ર સરકારની ગાઇડલાઇન પ્રમાણે ૧૫ ઓક્ટોબરથી ૧૫ નવેમ્બર સુધીમાં કમોસમી વરસાદ થાય અને પાકને નુકસાન થયા તો ખેડૂત સહાયપાત્ર ગણી શકાય . પરંતુ 15 નવેમ્બર બાદ વરસાદ વરસે અને નુકસાન થાય તો સહાય ચૂકવાતી નથી. રાજ્યમાં 17 નવેમ્બર કમોસમી વરસાદ વરસ્યો છે. કેન્દ્રની ગાઈડ લાઈન આધારે કમોસમી વરસાદની સહાય મળી શકે તેમ નથી..આમ છતાં ખેડૂતોને સહાય મળે તે માટે કિરીટ પટેલે રજુઆત કરી અને સહાય ન મળે તો ખેડૂતો આંદોલન કરશે એવી ચીમકી ઉચ્ચારી હતી

મોરબીના ખેડૂતોની શું માંગ?
મોરબી જિલ્લામાં કમોસમી વરસાદથી ખેડૂતોના પાકને નુકસાન થયું છે. માળિયા, ટંકારા, હળવદ અને વાંકાનેરમાં કેટલાક વિસ્તારમાં કમોસમી વરસાદ પડ્યો હતો...માળિયાના બોડકી, ઝીંઝુડા, સરવડ, ભાવપર, તરઘરી સહિતના વિસ્તારમાં કમોસમી વરસાદથી ખેડૂતોને નુકસાન થયું છે.ખેડૂતોના મોઢા સુધી આવેલો કોળિયો છીનવાઇ ગયો છે. ત્યારે કમોસમી વરસાદથી થયેલા નુકસાનનું વળતર આપવા ખેડૂતોએ માંગણી કરી છે.

નવસારીમાં ચીકુ ના પાકને મોટું નુકસાન
કમોસમી વરસાદના કારણે નવસારીમાં ચીકુના પાકને નુકસાન થયું છે. અમલસાડી ચીકુમાં કમોસમી વરસાદની અસર થઇ છે. ત્રણ દિવસથી ભેજવાળા વાતાવરણના કારણે ચીકુના પાકને નુકસાન થયું છે. અમલસાડી ચીકુ ગુણવત્તા માટે જાણીતા છે. અને આ મહિનામાં ચીકુની આવક સારા પ્રમાણ થઇ હતી. ખેડૂતોને ચીકુના 800થી 1200 રૂપિયા ભાવ પણ મળ્યા હતા. ત્યારે કમોસમી વરસાદના કારણે ચીકુના ભાવને અસર થશે.

દ્વારકામાં કપાસના પાકને નુકસાન
દેવભૂમિ દ્વારકામાં કમોસમી વરસાદથી ખેડૂતોની સ્થિતિ કફોડી બની. અંદાજે અડધાથી એક ઈંચ વરસાદને કારણે કપાસ પકવતા ખેડૂતો ઉપર માઠી બેઠી.. ખેડૂતોનો કપાસનો પાક પલળી ગયો હતો.. બીજી તરફ પશુઓ માટે રાખેલા ઘાસચારો પણ પલળી ગયો હતો.

બનાસકાંઠામાં મગફળીનો પાક પલડ્યો
બનાસકાંઠામાં કમોસમી વરસાદના કારણે ખેડૂતોની મુશ્કેલી વધી છે. કમોસમી વરસાદના કારણે પાલનપુર માર્કેટયાર્ડમાં પાકને નુકસાન થયું છે. મગફળી સહિતનો પાક પલળી જતા ખેડૂતો અને વેપારીઓને નુકસાન થયું છે.