રેકોર્ડ / 4000 વિદ્યાર્થીઓએ બનાવ્યું શિવાજી, તાનાજી અને રાજમાતા જીજાઉંનું કાર્ડ બોર્ડથી અદ્ધભૂત પેઈન્ટીંગ, ગિનીસ બુકમાં મળ્યું સ્થાન

• ઝીલ એજ્યુકેશન સોસાયટીએ કર્યું આયોજન 
• લંડનથી આવી ગિનિસ બુક ઓફ વર્લ્ડ રેકોર્ડની ટીમ 
• સામાજિક સેવીઓ અને નેતાઓએ વિદ્યાર્થીઓના કર્યા વખાણ 

પુણેમાં 4000 વિદ્યાર્થીઓએ લાઈવ હ્યુમન પેઈન્ટીંગ બનાવી 

આજે પ્રજાસત્તાક પર્વની પૂર્વ સંધ્યાએ મહારાષ્ટ્રમાં એક અલગ જ નજારો જોવા મળ્યો હતો. પુણેમાં 4000 વિદ્યાર્થીઓએ લાઈવ હ્યુમન પેઈન્ટીંગ બનાવી રેકોર્ડ બનાવ્યો હતો. આ લાઈવ પેઈન્ટીંગ બનાવવા માટે કાર્ડ બોર્ડનો ઉપયોગ કરવામાં આવ્યો અને આ પોટ્રેટનું નામ ગિનીસ બુક ઓફ વર્લ્ડ રેકોર્ડમાં નોંધવામાં આવ્યું છે. આ કાર્યક્રમ ઝીલ એજ્યુકેશન સોસાયટી તરફથી આયોજિત કરવામાં આવ્યો હતો. 

#RepublicDay2020 #RepublicDayIndia pic.twitter.com/7crfku1XVq

— Shubham Pangal (@shubhya_pangal) January 26, 2020

લગભગ 25 હજાર ચો. ફૂટનાં ક્ષેત્રફળમાં આ પેઈન્ટીંગ બનાવવામાં આવ્યું 

4000 હજાર વિદ્યાર્થીઓએ કાર્ડ બોર્ડની મદદથી રાષ્ટ્રીય ધ્વજ, છત્રપતિ શિવાજી મહારાજ, રાજમાતા જીજાઉં અને તાનાજી માંલુસરેની પેઈન્ટીંગ બનાવવામાં આવી હતી. લગભગ 25 હજાર ચો. ફૂટનાં ક્ષેત્રફળમાં આ પેઈન્ટીંગ બનાવવામાં આવ્યું હતું. આ પોટ્રેટ બનાવવા માટે વિદ્યાર્થીઓ 52 કોલમ અને 78 લાઈન્સ બનાવી હતી.

આ કાર્યક્રમમાં રેકોર્ડ માટે લંડનથી ગિનીસ બુક ઓફ વર્લ્ડ રેકોર્ડની ટીમ પુણે આવી હતી. આ ઇવેન્ટને સૌથી મોટા હ્યુમન લાઈવ પોટ્રેટનાં રૂપમાં રેકોર્ડ તરીકે નોંધવામાં આવી છે. 

ઘણા સમાજસેવી સંસ્થાઓ અને નેતાઓએ વિદ્યાર્થીના વખાણ કર્યા

આ પ્રકારનાં પોટ્રેટ બનાવવાની તૈયારી છેલ્લાં એક અઠવાડિયાથી ચાલી રહી હતી. આ કાર્યક્રમની તસવીરો લેવા માટે ડ્રોનની મદદ લેવામાં આવી હતી.

ઝીલ એજ્યુકેશન સોસાયટીનાં સંસ્થાપક એસ.એમ.કટકરે આ કાર્યક્રમ વિશે જણાવતાં કહ્યું કે ભારત સાંસ્કૃતિક અને ઐતિહાસિક ધરોહર ધરાવતું દેશ છે. અમે આ પેઈન્ટીંગની મદદથી આ ધરોહરને જીવંત રાખવાનો પ્રયત્ન કરી રહ્યા છે. મહારાષ્ટ્રના ઘણા સમાજસેવી સંસ્થાઓ અને નેતાઓએ વિદ્યાર્થીના વખાણ કર્યા છે.