સરકારી તેલ કંપનીઓ (OMCs) એ ઘરેલું ગેસ સિલિન્ડર (LPG Gas Cylinder) આજે વધારવાનો નિર્ણય લીધો છે. નવેમ્બરના પહેલા દિવસે HPCL, BPCL અને IOC દ્વારા જારી કરાયેલા નવા ભાવમાં ઘરેલુ LPG સિલિન્ડર (14.2 કિગ્રા)ની કિંમતમાં રૂપિયા 76.5 નો વધારો કરવામાં આવ્યો છે.
મહિનાના પ્રથમ દિવસે જ ગેસ સિલિન્ડરના વધ્યા ભાવ
ત્રણ મહિનામાં કુલ 105 રૂપિયાનો થયો વધારો
ગૃહિણીઓનું ખોરવાશે બજેટ
આ સતત ત્રીજો મહિનો છે જ્યારે એલપીજીના ભાવમાં વધારો થયો છે. ઇન્ડિયન ઓઇલ કોર્પોરેશનની વેબસાઇટ પરના ભાવ અનુસાર, આ વખતે સબસિડી વિનાના ઘરેલું ગેસ સિલિન્ડર (14.2 કિગ્રા) ના બજાર ભાવમાં રૂ. 76.5 નો વધારો કરવામાં આવ્યો છે.
ત્રણ મહિનામાં કુલ 105 રૂપિયાનો થયો વધારો
આપને જણાવી દઈએ કે ત્રણ મહિનામાં ઘરેલું એલપીજી સિલિન્ડરની કિંમતમાં લગભગ 105 રૂપિયા વધારો થયો છે. જ્યારે કમર્શિયલ સિલિન્ડર પર 193 રૂપિયા વધારવામાં આવ્યા છે. ત્રણ મહિના પહેલા ઓગસ્ટમાં ઘરેલું સિલિન્ડરો દિલ્હીમાં 574.50 રૂપિયા મળતા હતા, જ્યારે વ્યાપારી ગેસ સિલિન્ડરો 1004 રૂપિયા મળતા હતા.
જાણો નવા ભાવ
LPG સિલિન્ડરના નવા ભાવ - દિલ્હીમાં 14.2 કિલો નોન-સબસિડીવાળા એલપીજી સિલિન્ડરનો ભાવ હવે વધીને 681.50 રૂપિયા પ્રતિ સિલિન્ડર થયો છે. ઓક્ટોબરમાં ઘરેલું ગેસ સિલિન્ડર (14.2 કિલો) ની કિંમત 605 રૂપિયા હતી.
કમર્શિયલ ગેસ સિલિન્ડર (19 કિલો) ની કિંમતમાં પણ રૂ .99 નો વધારો કરાયો છે. પાટનગર દિલ્હીના દુકાનદારો પાસે હવે રૂ .1204 નું વેપારી સિલિન્ડર હશે. જે ઓક્ટોબરમાં 1085 રૂપિયા મળી રહી હતી.પાંચ કિલોગ્રામ છોટુ સિલિન્ડરના ભાવ રૂપિયા 264.50 પર પહોંચી ગયા છે. વધેલા ભાવો શુક્રવાર (1 નવેમ્બર) સવારથી લાગુ થશે.