ગજબ કે'વાય / ગામની મહિલા સરપંચને થયો ઉપ સરપંચ સાથે પ્રેમ, બધા જોતા રહ્યાં અને પ્રેમીઓએ કરી નાખ્યું આ કામ

• પ્રેમ કોઈને પણ કોઈ પણ સમયે થઈ શકે છે
• આ ગામમાં મહિલા સરપંચને ઉપસરપંચ સાથે થયો પ્રેમ
• ગામ લોકોએ કહ્યું હવે ગામનો થશે વિકાસ

એ વાત સાચી કે પ્રેમ કોઈને પણ ક્યારેય પણ થઈ શકે છે, પણ પ્રેમ જ્યારે બે નેતાઓ વચ્ચે થાય તો, ચર્ચાની એરણે ચડતાં હોય છે. કંઈક આવુ જ બન્યું છે મહારાષ્ટ્રના અમરાવતી જિલ્લામાં જ્યાં મહિલા સરપંચને એ જ ગામના ઉપ સરપંચ સાથે પ્રેમ થઈ ગયો અને ત્યાર બાદ બંનેએ લગ્ન કરીને સાથે રહેવા લાગ્યા. 

મહિલા સરપંચને ઉપસરપંચ સાથે પ્રેમ થયો

અમરાવતીના અચલપુરમાં 19 ફેબ્રુઆરીએ પંચાયત સમિતિ અંતર્ગત કાંડલી ગામમાં મહિલા સરપંચ સવિતા આહાકે અને ઉપ સરપંચ દિલીપ ધાંડારેના લગ્ન છત્રપતિ શિવાજી મહારાજની જયંતિના અવસરે થયા હતા. 

સાથે કામ કરતા કરતા દિલ મળી ગયા

હવે આ લગ્ન સમગ્ર જિલ્લામાં ચર્ચાનો વિષય બની છે. એક વર્ષથી કાંડલી ગ્રામ પંચાપયતના સરપંચ અને ઉપ સરપંચ સાથે મળીને કામ કરી રહ્યા હતા. આ દરમિયાન બંને એકબીજાને પસંદ કરવા લાગ્યા અને અંતે લગ્ન કરવાનો નિર્ણય કર્યો. 

લોકો માને છે હવે ગામનો વિકાસ થશે

હવે બંનેના લદ્ન થયા બાદ લોકોને આશા છે કે, ગામનો વિકાસ થશે અને તેમના માટે રાજકાયી અને ઘરના નિર્ણય લેવામાં પણ સરળતા રહેશેય.

ગત દિવસોમાં કાંડલી ગ્રામ પંચાયતમાં સવિતા આહાકે અને દિલીપ ધાંડારેને સભ્ય તરીકે ચૂંટવામાં આવ્યા હતા. 2020-21માં સવિતા અહાકેને સરપંચ અને દિલીપ ધાંડારેને ઉપ સરપંચ બનાવામાં આવ્યા હતા. આ દરમિયાન તેમણે કેટલાય સાહસિક નિર્ણયો પણ લીધા.

આ બંનેએ ગામ માટે કેટલાય નિર્ણયો લીધા છે

સરપંચ અને આ ઉપસરપંચની જોડી ગ્રામ પંચાયત વિસ્તારમાં દારૂની દુકાન, ગૈસ ગોદામ અને વિજળી વિતરણ કંપની પર કર લગાવવા માટે સમગ્ર તાલુકામાં ચર્ચામાં રહ્યા છે. આ બંનેના લગ્નનની કંકોત્રીમાં શિવાજી મહારાજને પણ પુરેપુરૂ સન્માન આપવામાં આવ્યું છે અને તેમની જ જન્મજંયતિ પર તેમણે લગ્ન પણ કર્યા.