પ્રધાનમંત્રી નરેન્દ્ર મોદી દ્વારા દેશભરમાં લોકડાઉનની જાહેરાત કરવામાં આવી છે. જેને રાજ્યમાં મુખ્ય શહેરોમાં લોકડાઉનમાં પણ લોકોની અવરજવર જોવા મળી રહી છે. વડોદરા શહેરમાં આજરોજ સવારથી લોકોને સમજાવતાં નજરે પડ્યાં છે.
વડોદરામાં લોકડાઉન દરમિયાન પોલીસ સતર્ક
માઈકથી એનાઉન્સ કરીને ભીડ ન કરવા કરી અપીલ
જીવન જરૂરિયાતની ચીજ વસ્તુ મળતી જ રહેશે
વડોદરા શહેરમાં લોકડાઉન દરમિયાન પોલીસ સતર્ક થઇ ગઇ છે. પોલીસકર્મીઓ સવારથી લોકોને સમજાવતાં નજરે પડ્યાં છે. શહેરની બજાર, શાક માર્કેટમાં પોલીસ લોકોને અપીલ કરતી જોવા મળી છે.
લોકડાઉન દરમિયાન વડોદરા શહેરમાં લોકો જીવનજરૂરિયાત વસ્તુઓ ખરીદવા બહાર નીકળતા જોવા મળ્યાં. જો કે પોલીસ દ્વારા માઇકથી એનાઉન્સ કરીને ભીડ ન કરવા અપીલ કરી હતી. પોલીસે જણાવ્યું કે જીવન જરૂરિયાતની ચીજ વસ્તુઓ મળતી જ રહેશે.
પોલીસ દ્વારા શહેરની પ્રજાને અપીલ કરવામાં આવી કે એક ઘરમાંથી એક વ્યક્તિ જ ખરીદી કરવા નીકળે. આ ઉપરાંત જરૂર હોય તેટલી જ ખરીદી કરે.