ગુજરાતમાં સ્થાનિક સ્વરાજ્યની ચૂંટણીમાં ઉમેદવારની પસંદગીને લઇને કોંગ્રેસમાં ભડકો જોવા મળી રહ્યો છે.
સ્થાનિક સ્વરાજ્યની ચૂંટણીને લઇ કોંગ્રેસમાં ભડકો
મળતિયાઓને સાચવવામાં લાગ્યા પ્રદેશ નેતાઓ
સ્થાનિક સ્તરેથી આવેલી પેનલના નામ બદલી નાખ્યોના આક્ષેપ
ગુજરાતમાં હાલ સ્થાનિક સ્વરાજ્યની ચૂંટણીને કોંગ્રેસ-ભાજપ દ્વારા એડીચોટીનું જોર લગાવામાં આવી રહ્યું છે. ત્યારે ઉમેદવારની પસંદગીને લઇને કોંગ્રેસમાં ભડકો જોવા મળી રહ્યો છે. જેમાં સ્થાનિક સ્તરેથી આવેલી પેનલના નામ બદલી નાંખવાનો આક્ષેપ લગાવામાં આવ્યો છે.
સ્થાનિક સ્વરાજ્યની ચૂંટણીને લઇને ફરી કોંગ્રેસમાં અસમંજસભરી સ્થિતિ જોવા મળી રહી છે. જેમાં નિરીક્ષકો તરફથી આવેલી યાદીના નામ બદલાયા હોવાને લઇને વિખવાદ જોવા મળી રહ્યો છે.
સ્થાનિક સ્તરેથી આવેલી પેનલના નામ બદલી નાંખ્યાનો આક્ષેપ લગાવામાં આવ્યો છે. જેમાં મળતિયાઓને સાચવવામાં પ્રદેશ નેતાઓ લાગ્યા હોવાનો આરોપ લગાવાયો છે.
કોંગ્રેસમાં ઉમેદવારો નક્કી કરવાની જવાબદારી સ્થાનિક સંગઠનને સોંપાઇ હતી. જેમાં સ્થાનિક સ્તરે સેન્સ બાદ પેનલના નામ નેતાઓને સોંપાયા હતા.
જો કે એકવાર ફરી કોંગ્રેસમાં આંતરિક સ્તરે નેતાઓ આમને-સામને જોવા મળ્યાં છે. જેને લઇને સ્થાનિક સ્વરાજ્યની ચૂંટણીના ઉમેદવારોની યાદી અંતિમ સમયે જાહેર થાય તેવી શક્યતા છે.
ગુજરાતમાં સ્થાનિક સ્વરાજ્યની ચૂંટણી માટે પ્રચાર પ્રસાર તેજ થઇ રહ્યો છે. ત્યારે રાજકિય પક્ષોની નેતાઓ ગુજરાત પ્રવાસ કરી રહ્યા છે . ગુજરાત કોંગ્રેસના ચૂંટણી માટે નિરીક્ષક બનેલા છતિસગઢ રાજ્યના ગૃહ મંત્રી તામ્રધ્વજ સાહુ ગઇકાલે બે દિવસ ગુજરાત મુલાકાતે આવ્યા છે. કોંગ્રેસના નિરીક્ષકનું એરપોર્ટ ખાતે કાર્યકર્તાઓ દ્વારા ભવ્ય સ્વાગત કરાયું હતુ.