કામની વાત / ઘેર બેઠા લાયસન્સ સાથે આ રીતે લિન્ક કરી દો આધાર કાર્ડ, નહીંતર ક્ચેરીઓમાં ખાવા પડશે ધક્કા

• ડ્રાઈવિંગ લાયસન્સને આધાર સાથે આ રીતે કરો લિન્ક
• એકથી વધુ લાયસન્સ રાખનારા લોકો પર પ્રતિબંધ લાગશે
• આધાર સાથે જોડાણ કર્યા બાદ કોઈ પણ કામ સરળતાથી થઇ જાય છે

આધાર-ડ્રાઈવિંગ લાયસન્સ

આધાર કાર્ડ એટલો જરૂરી ડોક્યુમેન્ટ છે કે બીજા દસ્તાવેજોને તેની સાથે લિન્ક કરવુ જરૂરી થયુ છે. પછી તે પાન કાર્ડ હોય કે ડ્રાઈવિંગ લાયસન્સ, આધાર સાથે લિન્ક કર્યા બાદ તેની સાથે જોડાયેલા કામ સરળતાથી થઇ શકે છે. પરંતુ હવે સવાલ એ છે કે આ કોરોનાકાળમાં ડ્રાઈવિંગ લાયસન્સને આધાર કાર્ડ સાથે લિન્ક કેવીરીતે કરાવવામાં આવે. તો આ સવાલનો જવાબ અમારી પાસે છે. આજે અમે તમને જણાવીશું કે ઘર બેઠા કેવીરીતે ડ્રાઈવિંગ લાયસન્સને આધાર સાથે લિન્ક કરી શકે છે. 

આ રીતે ડ્રાઈવિંગ લાયસન્સને આધાર કાર્ડ સાથે કરો લિન્ક

• લાયસન્સને આધાર કાર્ડ સાથે લિન્ક કરાવવા માટે સૌથી પહેલા સ્ટેટ પરિવહન વિભાગની વેબસાઈટ પર જાઓ.
• અહીં લિન્ક આધાર પર ક્લિક કરીને ડ્રોપ-ડાઉન મેનુમાંથી ડ્રાઈવિંગ લાયસન્સને પસંદ કરો.
• આટલુ કર્યા બાદ તમારો ડ્રાઈવિંગ લાયસન્સ નંબર નાખો અને Get Details પર ક્લિક કરો.
• અહીં પોતાનો 12 આંકડાનો આધાર નંબર અને મોબાઈલ નંબર નાખો.
• આ પ્રક્રિયાને પૂર્ણ કરવા માટે સબમિટ પર ક્લિક કરો.
• આટલુ કર્યા બાદ તમારા રજીસ્ટર્ડ મોબાઈલ નંબર પર એક OTP આવશે.
• હવે OTP નાખીને ડ્રાઈવિંગ લાયસન્સને આધાર સાથે લિન્ક કરવાની પ્રક્રિયાને પૂર્ણ કરો.