કારોબાર / LICના IPOની પ્રતિક્ષા કરી રહેલા લોકો માટે ખુશખબર, આ તારીખે થશે જાહેર- સત્તાવાર સૂત્રો

• LICના IPOની પ્રતિક્ષા પૂરી
• 4 મેના રોજ લોન્ચ થશે
• સત્તાવાર સૂત્રોનો દાવો
• સરકાર 3.5 ટકા હિસ્સો જ વેચશે

એલઆઈસીના આઈપીઓની ચાતક નજરે રાહ જોઈ રહેલા લોકો માટે સારા સમાચાર છે. સત્તાવાર સૂત્રોએ જણાવ્યું છે કે 4 મેના રોજ એલઆઈસીનો આઈપીઓ ખુલશે અને 9 મે સુધી રોકાણકારો તેમાં એપ્લાય કરી શકશે. ભારતીય જીવન વીમા નિગમ (એલઆઈસી)ના બોર્ડની તાજેતરમાં મળેલી બેઠકમાં એલઆઈસીના આઈપીઓની સાઈઝ ઘટાડવા પર સહમતિ સધાઈ છે.

The much-awaited initial public offering of the Life Insurance Corporation of India is likely to open on May 4: Sources privy to the development told ANI

— ANI (@ANI) April 25, 2022

સરકાર આઈપીઓ માટે માત્ર 3.5 ટકા હિસ્સો જ વેચશે

સૂત્રોએ જણાવ્યું હતું કે પહેલા સરકાર દેશની સૌથી મોટી જીવન વીમા કંપનીમાં 5 ટકા હિસ્સો વેચવાની હતી, પરંતુ હવે સરકાર આઈપીઓ માટે માત્ર 3.5 ટકા હિસ્સો જ વેચશે. 

IPOની સાઈઝ 21,000 કરોડ રૂપિયા થઈ જશે

IPO માટે એલઆઈસીનું વેલ્યુએશન વધારીને 6 લાખ કરોડ રૂપિયા કરવામાં આવ્યું છે. આ મુજબ હવે આ IPOની સાઈઝ 21,000 કરોડ રૂપિયા થઈ જશે. જો કે એક અધિકારીનું કહેવું છે કે જો માર્કેટમાં ડિમાન્ડ સારી રહેશે તો સરકાર તેમાં 5 ટકાનો વધારો કરી શકે છે.13 ફેબ્રુઆરીએ સેબીમાં દાખલ કરવામાં આવેલા રેડ હેરિંગ પ્રોસ્પેક્ટસ (ડીઆરએચપી)ના ડ્રાફ્ટમાં સરકારે 31.62 કરોડ શેર ઓફર કરવાનો પ્રસ્તાવ મૂક્યો હતો, જે કુલ ઇક્વિટી શેરના લગભગ 5 ટકા હતો.

LICના IPOની લાખો લોકોને પ્રતિક્ષા
ઉલ્લેખનીય છે કે LICના IPOની લાખો લોકો પ્રતિક્ષા કરી રહ્યાં છે. પરંતુ હવે તેની તારીખ જાહેર કરાઈ છે.