વિરોધ / કચ્છમાં કસ્ટોડિયલ ડેથ મામલે ઘમાસાણ, હવે કોણ ઉતર્યુ મેદાનમાં જુઓ

• મુન્દ્રામાં કસ્ટોડિયલ ડેથનો મામલો
• ગઢવી-ચારણ સમાજ દ્વારા બંધનું એલાન
• મુન્દ્રા, સમાઘોઘા, ભુજપુર ગામો સજ્જડ બંધ
   

કચ્છના મુન્દ્રા કસ્ટોડીયલ ડેથ મામલે મામલો ગરમાયો છે.વધુ એક યુવાનનું સારવાર દરમિયાન મોત થતા સમાજમાં આક્રોશ ભભૂકી ઉઠ્યો છે.ક્ચ્છ ગઢવી-ચારણ સમાજ દ્વારા મુન્દ્રા બંધન એલાન આપવામાં આવ્યું છે જે પૈકી મુન્દ્રા,સમાઘોઘા,ભુજપુર,કપાયા, પ્રાગપર સહિત ગઢવી સમાજની બહુમતી ધરાવતા તમામ ગામોએ સ્વયંભૂ સજ્જદ બંધ પાડવામાં આવ્યો છે.

કચ્છ ભરના તમામ સમાજે ગઢવી સમાજને ટેકો જાહેર કરી સમર્થન આપ્યું

માત્ર ગઢવી સમાજ નહિ પરંતુ કચ્છ ભરના તમામ સમાજે ગઢવી સમાજને ટેકો જાહેર કરી સમર્થન આપ્યું છે. સમાઘોઘા ખાતે મહસભાનું આયોજન કરવામાં આવ્યું છે કચ્છભરમાંથી ગઢવી તેમજ વિવિધ સમાજના આગેવાનો મોટી સંખ્યામાં જોડાયા છે. મૃતક હરજોગ ગઢવીનું મૃતદેહનો પરિવાર તેમજ સમાજે અસ્વીકાર કર્યો છે ફરાર આઓપીઓને ઝડપી પાડવા તેમજ સમગ્ર કેશની તપાસ CBI મારફતે કરાવાની માંગ સાથે મહાસભાનું  આયોજય કરાયું છે.

સમાઘોઘા ખાતે ચારણ મહાસભા

કચ્છના મુન્દ્રામાં થયેલ ચારણ યુવાનોના કસ્ટોડિયલ ડેથના મામલે ગઢવી ચારણ સમાજમાં ભારે આક્રોશ જોવા મળી રહ્યો છે. સમાઘોઘા ખાતે ચારણ મહાસભા યોજાઈ હતી જેમાં સાહિત્યકાર કવિ આલ, બ્રિજદાન ગઢવી તથા અખિલ ભારતીય ચારણ સમાજના ઉપ પ્રમુખ દેવીદાન ગઢવી સહિત મોટી સંખ્યામાં ચારણ ગઢવી સમાજના લોકો ઉપસ્થિત રહ્યા હતા.

કચ્છના મુન્દ્રા કસ્ટડીયલ ડેથ મામલો ગરમાયો છે

વધુ એક ચારણ યુવાનનું સારવાર દરમિયાન મોત થતા સમગ્ર મામલે મૃત્યુ આંક બે પર પહોંચ્યો છે.બીજા યુવાનના મોતથી ક્ચ્છ ગઢવી-ચારણ સમાજ માં આક્રોશ સાથે શોકનું મોજું ફરી વળ્યું છે ત્યારે પશ્ચિમ ક્ચ્છ પોલીસ વડા સૌરભ સિંગ એ મીડિયા સાથે વાત કરતા જણાવ્યું કે કસ્ટડીયલ ડેથ મામલે ગુન્હો નોંધાઇ ચુક્યો છે.ત્યારે વધુ એક યુવાનનું સારવાર દરમિયાન મોત થતા આરોપીઓબાપર  બે હત્યાનો કેસ ચાલશે.સાથે પોલીસ વડા એ મૃતક અરજણ ગઢવી ના પીએમ રિપોર્ટ બાબતે જણાવ્યું કે , મૃતક નું મોત ઇલેક્ટ્રિક શોર્ટ આપવાથી ઘાયલ થતા થયું છે.પશ્ચિમ ક્ચ્છ પોલીસ વડા સૌરભ સિંગએ ક્ચ્છ ગઢવી -ચારણ સમાજે પોલીસને આપેલા સાથ-સહકાર બદલ આભાર માન્યો ને શાંતિ રાખવા અપિલ સાથે ફરાર પોલીસ કર્મચારીઓ સહિતના 6 આરોપીઓને ઝડપી પાડવા ટીમો સ્ક્રીય છે.