બોલિવુડને અલવિદા કહી ચૂકેલ ઝાયરા વસીમ પણ હિજાબ વિવાદ પર પોતાનું મૌન તોડતી જોવા મળી છે. જુઓ તેનો શું મત છે.
ઝાયરા વસીમનો હિજાબ વિવાદ અંગે મત
હિજાબ એક ચોઈસ નથી
હિજાબ એક જવાબદારી છે
મુસ્લિમ મહિલાઓ તથા છોકરીઓના હિજાબ પહેરવાને લઈને દેશમાં ચર્ચા ચાલી રહી છે. આ સવાલ પર દલીલો વધતી જાય છે. દેશભરમાં આજકાલ મુસ્લિમ મહિલાઓના પારંપરિક પોશાકનો મુદ્દો ઉકળતો છે. ઘણા સેલેબ્સ પણ હિજાબ પહેરવા પર પોતાનો મત ખુલીને સામે રાખી રહ્યા છે. હવે બોલિવુડને અલવિદા કહી ચૂકેલ ઝાયરા વસીમ પણ હિજાબ વિવાદ પર પોતાનું મૌન તોડતી જોવા મળી છે.
ઝાયરા વસીમે પોતાના સોશિયલ મીડિયા હેન્ડલ પર એક લાંબી પોસ્ટ શેર કરીને મુસ્લિમ મહિલાઓના હિજાબ પહેરવા પર થઇ રહેલ વિવાદ પર પોતાની વાત રાખી છે. મુસ્લિમ મહિલાઓના હિજાબ પહેરવાનો સપોર્ટ કરતા ઝાયરા વસીમે પોતાની પોસ્ટમાં લખ્યું કે હિજાબ એક ચોઈસ છે, એ ખોટી જાણકારી છે. સુવિધાના હિસાબે આ ધારણા બાંધવામાં આવી રહી છે. ઝાયરાએ કહ્યું કે હિજાબ કોઈ ચોઈસ નહિ પરંતુ ઇસ્લામમાં એક દાયિત્વ છે.
ઝાયરા વસીમ આગળ લખે છે કે એક મહિલા જે હિજાબ પહેરે છે, તે તેની જવાબદારી નિભાવે છે, જે તેને ઈશ્વર તરફથી મળી છે, જેને તે પ્રેમ કરે છે તથા તેણે ખુદને ઈશ્વરને સોંપી દીધી છે.
ઝાયરા આગળ લખે છે કે હું પણ એક મહિલા છું તથા સમ્માન સાથે હિજાબ પહેરું છું. હું આ આખી સિસ્ટમનો વિરોધ કરું છું, જ્યાં મહિલાઓને ધાર્મિક પરંપરાઓને માનવાથી રોકવામાં તથા પરેશાન કરવામાં આવે છે.
ઝાયરા આગળ કહે છે કે મુસ્લિમ મહિલાઓ વિરુદ્ધ પક્ષપાત કરવો કે એવી સિસ્ટમ બનાવવી જ્યાં તેમને શિક્ષા તથા હિજાબ વચ્ચે કોઈ એકને પસંદ કરવું પડે કે પછી કોઈ એક ને છોડવું પડે તે અન્યાય છે.
ઝાયરા આગળ કહે છે કે તમે તેમને સ્પેસિફિક વસ્તુઓ અપનાવવા મજબૂર કરી રહ્યા છો, જેથી તમારો એજેન્ડા ચાલતો રહે તથા પછી તેમની આલોચના કરો છો કે તેઓ તમારા બનાવેલ નિયમોમાં કેદ છે.