બદલાવ / PF ના રૂપિયા નીકાળવા હવે સરળ નથી! જાણી લો બદલાયેલા નિયમ વિશે

પહેલા આ રકમ નીકાળવા માટે ઘણી મહેનત કરવી પડતી હતી. મોટાભાગે PFની રકમ મળવા માટે અઠવાડિયાઓ લાગી જતા હતી, પરંતુ હવે EPFO પોર્ટલની માધ્યમથી ઑનલાઇન ક્લેમ કરવા પર PF ની રકમ સરળતાથી મળી જાય છે. 

જોકે હવે ઑનલાઇન પ્રક્રિયામાં થોડો બદલાવ  આવ્યો છે. વાસ્તવમાં હવે PFના ખાતામાં એડવાન્સ રૂપિયા (ફોર્મ 31) નીકળવા માટે કર્મચારીને પાસબુક અથવા તો ચેક સ્કેનની કૉપીને પણ અપલોડ કરવી પડશે. અત્યાર સુધી આ માટે જરૂર પડતી નથી. 

આ રીતે PF ના રૂપિયા નીકાળી શકાય છે:

- PF ના રૂપિયા નીકાળવા માટે સૌથી પહેલા  https://unifiedportal-mem.epfindia.gov.in/memberinterface/ પર જવાનું રહેશે.

- અહીંયા તમને એક યૂનિવર્સલ એકાઉન્ટ નંબર (UAN) અને પાસવર્ડ ની સાથે લોગઇન કરવુ પડશે.

- લોગઇન પછી હોમ પેજ પર ઑનલાઇન સર્વિસ કેટેગરીમાં જવાનું રહેશે.

- હવે આગળના સ્ટેપમાં તમને રજિસ્ટર્ડ બેંક એકાઉન્ટના છેલ્લા 4 ડિજિટ એન્ટર કરીને વેરિફાઇ કરવુ પડશે.

- આ પછી પ્રોસિડ ફૉર ઑનલાઇન ક્લેમ પર ક્લિક કરવાનું રહેશે.

- અહીંયા સિલેક્ટ ક્લેમ ઑપ્શન  આવશે, જેમાં તમારે ક્લેમ (FORM – 31, 19, 10C અને 10D)  પર ક્લિક કરવાનું રહેશે.

- આ ક્લેમ ઑપ્શનમાં તમારે એમાઉન્ટ, એડ્રેસ અને પાસબુક અથવા તો ચેકની સ્કેન કૉપીને અપલોડ કરવાની રહેશે.

- હવે આગળ તમારા રજિસ્ટર્ડ મોબાઇલ નંબર પર એક OTP આવશે. OTP વેરિફાઇ કરતા જ તમારી PF ની રકમ માટે ક્લેમ રિકવેસ્ટ એક્ટિવ થઇ જશે, જે પછી તમે ક્લેમ સ્ટેટસ ટેબ પર જઇને જોઇ શકો છો. 

SMSની મદદથી જાણો PF બેલેન્સ:

- SMSની મદદથી PF એકાઉન્ટમાં જમા રકમનું બેલેન્સ જાણવા માટે તમારે રજિસ્ટર્ડ મોબાઇલ નંબરથી જ SMS મોકલવાનો રહેશે.

- EPF (એમ્પ્લોઈ પ્રોવિડન્ટ ફંડ) SMS દ્વારા 10 ભાષાઓમાં બેલેન્સ જાણવાની આ સુવિધા આપે છે. તમે અંગ્રેજી, હિન્દી, ગુજરાતી, મરાઠી, તેલુગુ, પંજાબી, કન્નડ, મલયાલમ, તમિલ અને બંગાળી ભાષામાં જાણકારી મેળવી શકો છો.

SMS દ્વારા બેલેન્સ જાણવા માટે તમારે તમારા રજિસ્ટર્ડ મોબાઇલ નંબરથી EPFOHO UAN સાથે જે ભાષામાં જાણકારી જોઇતી હોય એ ભાષાના પહેલાં 3 અક્ષરો સાથે 10 આંકડાનો નંબર 7738299899 પર મેસેજ મોકલવાનો રહેશે.

- દાખલા તરીકે, જો તમે અંગ્રેજી ભાષામાં મેસેજ મેળવવા માગો તો આ માટે EPFOHO UAN ENG ટાઇપ કરીને 10 આંકડાના નંબર 7738299899 પર મોકલવાનો રહેશે.

- આજ રીતે તમે બીજી ભાષાઓ માટે SMS કરવાનો રહેશે. જો મેસેજ કર્યા છતા સામે બેલેન્સનો મેસેજ ન આવે તો તમે ટોલ ફ્રી નંબર 1800118005 પર વાત કરીને આ અંગે જાણકારી મેળવી શકો છો.