વાળમાં કલર કરાવવાનો શોખ આજકાલ યુવાઓમાં વધી રહયો છે. સાથે જ પોલ્યુશનના કારણે વાળ અકાળે સફેદ થઈ જાય છે. જેને લઈને યુવાનો કલર કરાવી લે છે. પણ શું તમે ક્યારેય વિચાર્યું છે કે હેર કલરથી તમારી હેલ્થને શું નુકસાન થાય છે? અથવા કઈ બિમારીઓ તમને મુશ્કેલીમાં મૂકી શકે છે?
આજકાલ વાળને કલર કરાવવાનો ટ્રેન્ડ ખૂબ જ ઝડપથી વધી રહ્યો છે. દરેક વ્યક્તિ આ વાયરલ ટ્રેન્ડની મજા લેવા ઈચ્છે છે. આ મજા લેવામાં લોકો એમ નથી ઈચ્છતા કે વાળને કલર કરાવવાથી હેલ્થને કેટલું મોટું નુકસાન થઈ શકે છે. જો તમે કોઈની દેખાદેખ વાળને કલર કરાવી રહ્યા છો તો તમારે ચેતી જવાની જરૂર છે.
પહેલું નુકસાન એ કે હેર કલરના ઉપયોગથી વાળનો નેચરલ કલર ખોવાઈ જાય છે. હેર કલરમાં અમોનિયા અને પેરોક્સાઈડ વધારે પ્રમાણમાં હોય છે. જે વાળનું નેચરલ પિગમેન્ટ દૂર કરે છે. વાળ નબળા પડે છે અને તૂટવા લાગે છે.
હેર કલરમાંનું કેમિકલ સ્કેલ્પને વધારે નુકસાન કરી છે. તેનાથી સ્કેલ્પમાં ખંજવાળ આવે છે અને સાથે રેશિઝ પણ પડે છે.
તમને કદાચ વિશ્વાસ નહીં આવે પણ હેર કલર કરવાના કારણે કેન્સર, અસ્થમા જેવી બિમારીઓ પણ થઈ શકે છે. હેર કલરના કેમિકલ્સને કારણે કેન્સરનો ખતરો વધે છે.
હેર કલરને કારણે આંખોમાં ઇન્ફેક્શન પણ થઈ શકે છે. એવું ત્યારે થાય છે જ્યારે કલર લગાવતી વખતે તે આંખોમાં જતો રહે. આંખોમાં કલર જવાથી સોજો આવે છે, આંખોમાં પાણી આવે છે અને કંજક્ટિવાઈટિસની સમસ્યાઓ થઈ શકે છે.
વાળમાં કલર કરાવવાથી મહિલાઓ અને પુરુષોની ફર્ટિલિટી પર નકારાત્મક પ્રભાવ પડી શકે છે. પરમેનન્ટ હેર કલર્સમાં લીડ એસિટોનનો વધારે ઉપયોગ થાય છે. પ્રેગનન્ટ મહિલાઓ હેર કલર કરે તો બાળકને પણ નુકસાન થઈ શકે છે.
હેર કલરના ઉપયોગની અસર તમારી નર્વસ સિસ્ટમ પર થાય છે. તેનાથી તમને ભૂલવાની સમસ્યા અને નર્વસ ડિસઓર્ડર થઈ શકે છે.
હેર ડાઈમાં વપરાતા કેમિકલ્સથી વાળને ઘણું નુકસાન થાય છે. આ કેમિકલ્સથી નવા વાળનું ઉગવું મુશ્કેલ બને છે. વાળ ઉતરવા અને ટાલિયાપણાની સમસ્યા પણ આવી શકે છે.