સોનું સતત મોંઘુ થયા બાદ મંગળવારે ભાવમાં થોડો ઘટાડો જોવા મળ્યો છે. એક્સપર્ટસનું કહેવું છે કે આ અઠવાડિયે સોનાનાં ભાવમાં ઘટાડો આવી શકે છે.
મલ્ટી કમોડીટી એકસચેંજ પર સવારે 24 કેરેટ શુદ્ધતાવાળા સોનાનો વાયદા ભાવ 16 રૂપિયા પડીને 53,248 રૂપિયા પ્રતિ 10 ગ્રામ રહ્યો. આ 3 જૂન 2022નો વાયદા ભાવ છે. ક દિવસ પહેલા જ સોનાની કિંમતોમાં લગભગ 500 રૂપિયાનો વધારો નોંધાયો હતો. જોકે આ અઠવાડિયે ભવ નીચે આવવાનું અનુમાન છે.
ચાંદીની કિંમત પણ ઘટી
ચાંદીનો વાયદા ભાવ પણ 101 રૂપિયા કે 0.14 ટકા ઘટીને 69,998 રૂપિયા પ્રતિ કિલોગ્રામ પર આવી ગયો છે. ચાંદી એક દિવસ પહેલા સુધી 70 હજારનાં ભાવ પર કારોબાર કરી રહી હતી. ચાંદીનો આ વાયદા ભાવ 5 મે, 2022 માટે છે. એક દિવસ પહેલા MCX પર સોનાનો ભાવ 53,470 રૂપિયા પ્રતિ 10 ગ્રામ અને ચાંદીનો ભાવ 69,499 રૂપિયા પ્રતિ કિલોગ્રામ હતો.
ગ્લોબલ માર્કેટમાં 2000 ડોલરની નજીક પહોંચ્યું સોનું
ગ્લોબલ માર્કેટમાં પણ આજે સોનાની કિંમતોમાં ઘટાડો જોવા મળ્યો છે. એક દિવસ પહેલા સોનું 2000 ડોલર પ્રતિ ઓંસની નજીક હતું. આ વર્ષનું ઉત્તમ સ્તર છે. આ દરમીયાન, સોનાની કિંમત 1,998.10 ડોલર હતી. આજે સવારે સોનાનો હાજર ભાવ 0.1 ટકા ઘટીને 1,976 ડોલર પર આવી ગયો હતો. ગ્લોબલ માર્કેટમાં ચાંદીનો વાયદા ભાવ પણ તૂટીને 1,981 ડોલર પર રહ્યો છે.
આ પ્રકારે થઇ શકશે શુદ્ધતાની જાણ
જ્વેલરીની શુદ્ધતા માપવાના પ્રકારો એક જ હોય છે. આમાં હોલમાર્ક સતાહે જોડાયેલ ઘણા પ્રકારના નિશાન જોઈ શકાય છે, આ નિશાનોનાં માધ્યમથી જ્વેલરીની શુદ્ધતા માપી શકાય છે. આમા એક કેરેટથી લઈને 24 કેરેટ સુધીની શુદ્ધતાની તપાસ કરી શકાય છે.