શરીરમાં જ્યારે કોઈ તકલીફ થવા લાગે છે ત્યારે આપણું શરીર આપણને સંકેત આપે છે. પરંતુ મોટાભાગના લોકો એ સંકેતો પર ધ્યાન આપતા નથી અને સ્વાસ્થ્યને નુકસાન થાય એવી ભૂલો સતત કરતાં રહે છે. બોડીને હેલ્ધી રાખવા બેલેન્સ ડાયટ લેવું ખૂબ જ જરૂરી છે. જેમાં વિટામિન્સ અને મિનરલ્સ હોય. બોડીના કેટલાક સંકેતો સમજવા જરૂરી છે. તો ચાલો જાણીએ શરીરમાં થતી પ્રોબ્લેમ્સના સંકેતો.
શરીરમાં તકલીફ થાય તો બોડી આપે છે સંકેત
મોટાભાગના લોકો આ સંકેતો ઈગ્નોર કરે છે
શરીરને રોગમુક્ત રાખવા ઓળખો આ સંકેતો
હોઠના કોર્નર પર ક્રેક
સામાન્ય રીતે આયર્નની કમીને કારણે હોઠ પર કટ્સ અને ક્રેક જોવા મળે છે. ફંગલ અને બેક્ટેરિયલ ઈન્ફેક્શનને કારણે પણ આવું થતું હોય છે. તેનાથી બચવા હોઠ પર બામ અથવા પેટ્રોલિયમ જેલી લગાવો.
વાળ પાતળા થવા અને ખરવા
તમારા વાળ ઝડપથી પાતળા થઈ રહ્યાં હોય અથવા તો ખરી રહ્યાં હોય તો તમારા શરીરમાં આયર્નની કમી હોવાનો તે સંકેત છે. સામાન્ય રીતે બોડીમાં આયર્નની કમીથી વાળ પાતળા થવા લાગે છે. આયર્ન બોડીમાં રેડ બ્લડ સેલ્સને વધારે છે. આ સમસ્યાથી છૂટકારો મેળવવા ડાયટમાં લીલાં શાકભાજી અને વિવિધ દાળ, ફળોને સામેલ કરો.
કબજિયાત
ઓછું પાણી પીવું, એક્સરસાઈઝ ન કરવી, ડાયટમાં ફાયબરની કમી જેવા કારણોથી મોટાભાગના લોકોને કબજિયાતની સમસ્યા થતી હોય છે. જ્યારે એક હેલ્ધી ડાયજેસ્ટિવ સિસ્ટમ માટે પાણી અને ફાયબર બંને બહુ જ જરૂરી છે. જેથી કબજિયાત આ તત્વોની કમીને કારણે થઈ શકે છે. બચવા તમારી ડાયટમાં હોલગ્રેન, નટ્સ અને ફાયબર રિચ ફૂડને સામેલ કરો.
શ્વાસમાં દુર્ગંધ આવવી
સામાન્ય રીતે મેટાબોલિક પ્રોસેસ યોગ્ય ન હોવાથી શ્વાસમાં દુર્ગંધ આવવાની સમસ્યા થાય છે. જ્યારે બોડીમાં એનર્જી માટે પર્યાપ્ત ગ્લુકોઝ નથી મળતું ત્યારે બોડીમાં સ્ટોર ફેટ બર્ન થાય છે. જેના કારણે બોડીમાં કેટોન એસિડ બને છે અને તેનાથી શ્વાસમાં દુર્ગંધ આવે છે. જે લોકો લો-કાર્બ ડાયટ લે છે એ લોકોને આ સમસ્યા વધુ થાય છે.
સ્કિન સમસ્યા
તમારી સ્કિન હેલ્થ વિશે ઘણું બધું જણાવે છે. અનહેલ્ધી ડાયટને કારણે સ્કિન પર ખીલ અને એક્નેની પ્રોબ્લેમ વધી જાય છે. આ સિવાય કેલ્શિયમની કમીને કારણે પણ બોડીમાં વ્હાઈટ પેચ થવા લાગે છે. જો તમને પણ આવી કોઈ સમસ્યા હોય તો હેલ્ધી અને ન્યૂટ્રિઅન્ટ્સથી ભરપૂર ડાયટ લેવાનું શરૂ કરી દો.