એક તરફ કોરોના વાયરસના કારણે દુનિયા સંકટમાં છે. દરેક દેશ પોતાના નાગરિકોને બચવવા માટે પ્રયત્ન કરી રહ્યા છે ત્યારે થાઈલેન્ડના રાજા પોતાના દેશવાસિયોને મૂકી પોતે જર્મનીમાં 20 મહિલાઓ સાથે આઈસોલેટ થઇ ગયા છે. થાઈલેન્ડમાં રાજાનું અપમાન કરવા પર આકરી સજા કરવામાં આવે છે પરંતુ રાજાના આ નિર્ણય બાદ લોકોમાં એટલો ગુસ્સો છે કે તે સોશિયલ મીડિયામાં રાજાની ખૂબ ટીકા કરી રહ્યા છે.
જર્મનીમાં આલીશાન હોટેલમાં પોતે આઈસોલેટ થયા રાજા
એક તરફ દેશના નાગરિકો કોરોના સામે લડી રહ્યા છે લડત
રાજાના નિર્ણય બાદ થાઈલેન્ડના નાગરિકોમાં ગુસ્સો
થાઈલેન્ડના વિવાદિત મહારાજા મહા વાજિરાલોંગકોર્ન ઉર્ફે રામ દશમ પોતાની જનતા કોરોના વાયરસના ભરડામાં મરવા છોડીને પોતે જર્મનીમાં જતા રહ્યા છે. કોરોના વાયરસની આશંકાને જોતા પોતાના પરિવારને પણ પાછા મોકલી દીધા છે. રાજા પોતાની સાથે 20 મહિલાઓને લઇને ગયા છે. અને સેવા માટે ઘણા બધા નોકર પણ તેમની સાથે જર્મની ગયા છે. જર્મનીમાં તે આલીશાન હોટેલમાં રહેશે.
રાજા મહા વાજિરાલોંગકોર્ન વર્ષ 2016માં પિતાની મોત બાદ રાજગાદી પર બેઠા હતા. કોરોના વાયરસ વિશ્વમાં તાંડવ મચાવી રહ્યો છે જેના ખતરાને જોતા પોતે આઈસોલેટ થવા માટે પોતાના નાગરીકોને મરવા છોડી પોતે આઈસોલેટ થવા જતા રહ્યાં. એટલું જ નહીં તેમણે આખી હોટેલ જ બુક કરી લીધી. એક તરફ દેશની જનતા કોરોના સામે જીવન-મરણની જંગ લડી રહી છે ત્યાં બીજી તરફ આ રાજા દેશની છોડીને જ જતાં રહ્યા છે.
હાલમાં કોરોના વાયરસના સંકટને જોતા હોટેલ અને ગેસ્ટ હાઉસ બંધ કરી દેવામાં આવ્યા છે. ત્યાં આ રાજાએ પરવાનગી લઇને આખી હોટેલ જ બુક કરાવી લીધી. ધ વિકનાં અહેવાલ મુજબ તેમની સાથે 20 મહિલાઓ અને ઘણા બધા નોકર ગયા છે.
રાજાને કોરોના વાયરસની એટલી બીક લાગે છે કે તેમણે પોતાના પરિવારનાં 119 લોકોને થાઈલેન્ડ પાછા મોકલી દીધા છે. દેશનાં નાગરિકોને આ મૂકીને જર્મની ભાગી જવા પર હજારો લોકોમાં રાજા પર ખૂબ ગુસ્સો છે. સોશિયલ મીડિયામાં રાજાની ખૂબ ટિકા કરવામાં આવી રહી છે. નોંધનીય છે કે દેશમાં રાજાની ટીકા કરવા પર 15 વર્ષની જેલની સજાની જોગવાઈ છે. છતાં લોકો રાજાના વિરુદ્ધ હેશટેગ પર ટ્રેન્ડ કરાવી રહ્યા છે.
થાઈલેન્ડમાં કોરોના વાયરસના 1200થી વધારે કેસ સામે આવ્યા છે. થાઈલેન્ડ અત્યારે કોરોના વાયરસના ખતરા વચ્ચે જીવી રહ્યું છે. રાજા ફેબ્રુઆરી મહિનાથી પોતાના દેશથી બહાર છે. રાજા બન્યા પહેલાં જ તેમણે પોતાની બોડીગાર્ડ સાથે લગ્ન કર્યા હતા જે બાદ તેઓ વિશ્વભરમાં ચર્ચામાં આવી ગયા હતા.