રાજસ્થાનમાં મહિલાઓ વિરુદ્ધના અપરાધો દિવસેને દિવસે વધી રહ્યા છે. ત્યારે હવે વધું એક દુષ્કર્મનો મામલો અલવરમાંથી સામે આવ્યો છે.
રાજસ્થાનમાં વધી રહ્યા છે દુષ્કર્મના કેસો
ગેહલોત સરકાર મહિલા સુરક્ષામાં નિષ્ફળ નિવડી
એક અઠવાડીયા બે કિસ્સા બન્યાં
રાજસ્થાનની ગેહલોત સરકારના શાસનમાં એક પછી એક એમ કેટલીય મહિલાઓ સાથે હૈવાનિયતની ઘટનાઓ સામે આવી રહી છે. રસ્તે જતી, દિવ્યાંગ કિશોરીઓ સાથે અલવરમાં શું થયું છે, તે આખું અલવર જાણી ગયું છે. બાદમાં બારાંમાં એક તાંત્રિકે 18 વર્ષની એક છોકરી સાથે દુષ્કર્મ કર્યું અને આ ઘટનાના અઠવાડીયા બાદ જ નવો કિસ્સો સામે આવ્યો છે. આ મામલો અઠવાડીયા જૂનો છે, પણ ફરિયાદ સોમવારે નોંધવામાં આવી છે.
ઘરમાં ઘુસી જુવાન છોકરીને ઉઠાવી ગયાં
જેવી રીતે અગાઉના કેટલાય કિસ્સાઓ હ્દય હચમચાવી નાખનારા છે, તેમ આ કિસ્સો પણ એટલો દુ:ખદાયી છે. 18 વર્ષની પીડિતાએ પોતાની આપવીતી જ્યારે પોલીસને જણાવી તો આંખોમાં આંસૂ આવી ગયાં. પોલીસ તાત્કાલિક તપાસ શરૂ કરી, પોલીસ મથકના સીઆઈ રમેશ મીણાના જણાવ્યા અનુસાર છોકરીએ કહ્યું કે, અઠવાડીયા પહેલા તેના માતા અને પિતા કોઈ કામથી શહેરથી બહાર ગયા હતાં. રાતના સમયે તે પોતાની બહેન સાથે ઘર પર સુઈ રહી હતી. ત્યારે આમાપુરા નિવાસી બલરામ સહરિયા અને યોગેશ રાતના સમયે તેના ઘરે આવ્યા હતાં. ઘરમાં સુતી વખતે તેમનું અપહરણ કરવામાં આવ્યું હતું. આ આવારા તત્વો તેમને લઈને બે કિલોમીટર દૂર ખેતરમાં લઈ ગયા હતાં. જ્યાં આરોપી બલરામે દુષ્કર્મ કર્યું હતું. આરોપી યોગેશે તેની મદદ કરી હતી. પોલીસ અધિક્ષક જિનેન્દ્ર જૈને કહ્યું કે, પીડિતાનું મેડિકલ કરાવ્યું છે. ફરિયાદના આધારે ગેંગરેપનો કેસ નોંધવામાં આવ્યો છે.
એક અઠવાડીયામાં બીજી ઘટના સામે આવી
આ ઘટના એવા સમયે બની છે, જ્યારે બારાં જિલ્લામાં 17 વર્ષિય કિશોરી સાથે દુષ્કર્મનો મામલો હજૂ શાંત નથી થયો. આ મામલામાં આરોપમા કવાઈ પોલીસ સ્ટેશને આરોપી તંત્ર-મંત્ર કરનારા ભોપા રઘુવીર મેઘવાલને શનિવારે દબોચી લીધો હતો. જો કે, સૌથી મોટી વાત એ છે કે, આ મામલો ચર્ચામાં ત્યારે આવ્યો જ્યારે ખુદ રાજ્યના ગૃહમંત્રીએ તેમા હસ્તક્ષેપ કર્યો. ગૃહરાજ્યમંત્રી રાજેન્દ્ર યાદવે બારાં પોલીસ અધિક્ષક કલ્યાણમલ મીણા સાથે ફોન પર આ મામલે સમગ્ર વિગતો માગી હતી. મંત્રીનું કહેવું છે કે, SPને આ મામલે જાણકારી નહોતી. તેના પર પણ ગૃહમંત્રી રાજેન્દ્ર યાદવે નારાજગી વ્યક્ત કરી હતી.