ભ્રષ્ટાચાર / ખેડૂતો માટેની યોજનામાં અધિકારીઓ કરે છે લાખોના કૌભાંડ, કાગળ પર જ હોય છે ખેત તલાવડી

નવસારીના વાંસદામાં ખેત તલાવડી કૌભાંડ સામે આવ્યું છે. વાંસદા ચાપલધરા અને કાંટસવેલ ગામમાં આ કૌભાંડ આચરવામાં આવ્યું છે. 8 ખેત તલાવડી ન બનાવીને રૂપિયા 7 લાખ 67 હજારનું કૌભાંડ આચરવામાં આવ્યુ છે. 

ધરમપુર કચેરીના ચાર અધિકારીઓ અને બે કોન્ટ્રાક્ટરો સામે નોંધાયો ગુનો છે. આ આરોપી પ્રવિણ બળચંદ્ર પ્રેમલ, પી.એમ.ચૌધરી, ડી.કે.પટેલ, એસ.આર. કિશોરી, નીતિન એસ કિશોરી અને હિતેન સુરેશ પટેલના નામ સામે આવ્યા છે.

આરોપીના નામ
1 - પ્રવિણ બળચંદ્ર પ્રેમલ, તત્કાલિન મદદનીશ નિયામક વર્ગ -૨
2 - પી.એમ.ચૌધરી, ક્ષેત્ર મદદનીશ વર્ગ-૩
3 - ડી.કે.પટેલ, ક્ષેત્ર મદદનીશ વર્ગ-૩
4 - એસ.આર. કિશોરી, ક્ષેત્ર નિરીક્ષક વર્ગ-૩
5 - નીતિન એસ. કિશોરી, કોન્ટ્રાકટર
6 - હિતેન સુરેશ પટેલ, કોન્ટ્રાકટર

મહત્વનું છે કે રાજ્યમાં અત્યાર સુધીમાં ખેત તલાવડી કૌભાંડ મામલે 70થી વધુ અધિકારીઓની ધરપકડ કરવામાં આવી છે. પરંતુ અત્યાર સુધીમાં કંઇ પકડાયું નથી. દરોડા પાડીને કામગીરી અટકાવી દેવાઇ પરંતુ આગળ કોઇ કાર્યવાહી કરવામાં આવી નથી.