આજે આખુ બોલીવુડ હોળીની ઉજવણીમાં ડૂબેલુ છે. મનોરંજન ક્ષેત્રમાં ઘણા એવા દંપત્તિ છે, જે લગ્ન બાદ પહેલી વખત એકસાથે હોળીની ઉજવણી કરી રહ્યાં છે.
કેટરીના કૈફે લગ્ન બાદ તેની પ્રથમ હોળી સસુરાલમાં મનાવી
વિક્કી કૌશલે ઈન્સ્ટાગ્રામ એકાઉન્ટ પર શેર કરી તસ્વીર
કેટરીનાએ વિક્કી સહિત સાસુ-સસરા સાથે પડાવ્યો ફોટો
કેટરીનાએ સાસરિયામાં મનાવી પહેલી હોળી
આ યાદીમાં કેટરીના કૈફ અને વિક્કી કૌશલનુ નામ પણ સામેલ છે. કેટરીના કૈફે લગ્ન બાદ તેની પ્રથમ હોળી સસુરાલમાં મનાવી છે, જેની એક તસ્વીર ઈન્ટરનેટ પર ખૂબ વાયરલ થઇ રહી છે. વિક્કી કૌશલે પત્ની કેટરીનાની સાથે પહેલી વખત હોળી સેલિબ્રેશનની ઝલક દેખાડી છે. તેમણે ઈન્સ્ટાગ્રામ એકાઉન્ટ પર એક તસ્વીર પોસ્ટ કરી છે, જેમાં કેટરીના અને વિક્કીનો પરિવાર એકસાથે જોવા મળી રહ્યાં છે. તસ્વીરમાં જોઈ શકાય છે કે વિક્કી પત્ની કેટરીના, ભાઈ સની કૌશલ અને માતા-પિતા સાથે કેમેરાની સામે પોઝ આપી રહ્યો છે. બધાના ચહેરા પર હોળીનો રંગ લગાવેલો છે.
અભિનેતાએ તસ્વીર પોસ્ટ કરીને કેપ્શનમાં લખ્યું, હેપ્પી હોલી. જેના પર પ્રશંસકો અને સેલિબ્રિટીઓએ અત્યંત પ્રેમ વરસાવ્યો છે. બધા ચાહકોએ કોમેન્ટ સેક્શનમાં દંપત્તિ અને તેના પરિવારને હોળીની શુભેચ્છાઓ આપી છે. ઉલ્લેખનીય છે કે, વિક્કી કૌશલે ગયા વર્ષે ડિસેમ્બરમાં કેટરીના કૈફ સાથે રાજસ્થાનના સવાઈ માધોપુરમાં લગ્ન કર્યા હતા. જેમાં ઘણી મોટી સેલિબ્રિટીઓ હાજર રહી હતી.