જાનહાનિ ટળી / કડોદ ગામે મકાનમાં આગ લાગતા અફરાતફરીનો માહોલ, રૂ.40 લાખનો મુદ્દામાલ બળીના ખાખ

• સુરતના કડોદ ગામના પોલીસ સ્ટેશન નજીક આગ
• પોલીસ સ્ટેશનની પાછળના મકાનમાં લાગી આગ
• આગની ઘટનામાં રૂપિયા 40 લાખનો મુદ્દામાલ બળીને ખાખ

 સુરતના કડોદ ગામના પોલીસ સ્ટેશન નજીક અચાનક આગ ભભૂકી ઉઠી હતી.  કડોદ ગામે મોરા ફળિયા ખાતે જુનવાણી ઢબના લાકડાના મકાનમાં શોર્ટ સર્કીટથી અચાનક આગ ભભૂકી ઉઠી હતી. જેના કારણે મકાનમાં રહેલ તમામ સામગ્રી બળીના ખાખ થઈ જવા પામી હતી.  જો કે સદનસીબે કોઈ જાનહાનિ થવા પામી ન હતી.

શોર્ટ સર્કીટના કારણે આગ લાગી હોવાનું અનુમાન
સુરતની કડોદ આઉટ પોસ્ટ ચોકી પાસે આવેલ એક મકાનમાં આજે વહેલી સવારે આગ ભભૂકી ઉઠી હતી.  ત્યારે પરિવાર કામ કાજ આર્થે બહાર ગયા બાદ અગમ્ય કારણોસર મકાનમાં આગ લાગી હતી.  ત્યારે ઘરના સભ્યો બહાર હોઈ મોટી જાનહાનિ ટળી હતી. શોર્ટ સર્કીટના કારણે ઘરમાં આગ ભભૂકી ઉઠતા ભારે નાસભાગ થઈ જવા પામી હતી.

મકાન બંધ હોઈ મોટી જાનહાનિ ટળી
આગ લાગતા આજુબાજુના લોકો દ્વારા ફાયર બ્રિગેડને જાણ કરતા ફાયર બ્રિગેડ તાત્કાલીક ઘટના સ્થળે પહોંચી પાણીના મારો ચલાવી આગના કાબુમાં લીધી હતી. ત્યારે બંધ મકાનમાં આગ લાગતા મોટી જાનહાનિ ટળી હતી. ત્યારે આગની ઘટનામાં રૂા.40 લાખનું નુકશાન થયું હોવાનું જાણવા મળી રહ્યું છે.