IPLIN
 

બોલિવૂડ / સ્વરા, દીપિકા, સોનાક્ષી બાદ હવે આ અભિનેત્રીએ CAA અને JNU અંગે આપી ટિપ્પણી અને થઈ ટ્રોલ

Team VTV 04:02 PM, 09 Jan 20 | Updated: 04:16 PM, 09 Jan 20
Follow us
Juhi Chawla lend support to CAA and question veracity of JNU attacks

જેએનયુમાં (જવાહરલાલ નેહરુ યુનિવર્સિટી) વિદ્યાર્થીઓનું આંદોલન અને નાગરિકતા સંશોધન કાયદાના સમર્થનમાં અને વિરોધમાં ફિલ્મ હસ્તીઓનાં નિવેદનો આવતા રહે છે અને હવે તેમાં જૂહી ચાવલાનું નામ ઉમેરાયું છે. જેએનયૂમાં થયેલી હિંસાને લઈ જૂહી ચાવલાએ પણ ટિપ્પણી કરી છે. તેણે હિંસક પ્રદર્શન અંગે સવાલ ઉઠાવતા કહ્યું, વસ્તુઓ તોડવામાં સમય નથી લાગતો, પરંતુ જોડાવામાં સમય લાગે છે.

  • જૂહી ચાવલાએ CAA અને JNU અંગે નિવેદન આપ્યું
  • કહ્યું, લોકોએ પોતાના વર્તન પર ધ્યાન આપવું
  • સોનાક્ષી બાદ હવે જૂહી થઈ ટ્રોલ

અભિનેત્રી દીપિકા પાદુકોણ જેએનયુમાં વિદ્યાર્થીઓના આંદોલનમાં સામેલ થઈ અને ત્યારબાદ અભિનેત્રી સોનાક્ષી સિન્હાએ તેની પ્રશંસા કરી અને હવે જૂહી ચાવલાની આ ટિપ્પણી મહત્વપૂર્ણ માનવામાં આવી રહી છે. આ નિવેદનના થોડાં જ સમયમાં જૂહી ટ્વિટર પર ટ્રેન્ડ કરવા લાગી. CAA અને JNUને લઈને વિપક્ષી પાર્ટીઓ અને સરકાર સહિત બોલિવૂડ હસ્તીઓ પણ પ્રતિક્રિયા આપી રહી છે. જેના કારણે સેલિબ્રિટિસને ટ્રોલ પણ થવું પડે છે. દીપિકાને જેએનયુ વિઝિટ બાદથી ખૂબ જ ટ્રોલ કરવામાં આવી રહી છે. આ જ રીતે બુધવારે જૂહી ચાવલાએ આ અંગે ટિપ્પણી આપતા તે પણ ટ્વિટર પર ટ્રેન્ડ કરી રહી છે. 

જૂહીએ કહ્યું, આપણે પોતાના વર્તન પર વિચાર કરવો જોઈએ

બીજેપી દ્વારા આયોજિત એક ઈવેન્ટમાં જૂહીએ કહ્યું, આપણે 125 કરોડ ભારતીય છીએ. બધાંને સાથે રાખવા એક મોટી જવાબદારી છે. આપણે બધાં પાસે જવાબની આશા રાખી ન શકીએ. આપણે પણ પોતાના વર્તન વિશે વિચારવું જોઈએ, કે આપણે શું કરી કહ્યાં છીએ અને શું વિચારીએ છીએ. 

દીપિકા પછી હવે જૂહી પણ થઈ ટ્રોલ

જેએનયુ જવાથી દીપિકાને સોશિયલ મીડિયા યુઝર્સ ખૂબ ટ્રોલ કરી હતી. જ્યારે કેટલાક યુઝર્સે તેનું સમર્થન પણ કર્યું હતું. આ સિવાય અનેક બોલિવૂડ સેલેબ્સ દીપિકાના પડખે ઊભા રહ્યા હતા અને તેને બહાદુર કહી હતી. આ સિવાય સ્વરા ભાસ્કરે પણ દીપિકાનું સમર્થન કર્યું હતું. જેએનયુ હિંસા વિરૂદ્ધ સૌથી પહેલાં સ્વરાએ જ અવાજ ઉઠાવ્યો હતો અને એ પછી સમગ્ર બોલિવૂડ તેના રંગમાં રંગાઈ ગયું. હવે જૂહી ચાવલા આ અંગે તેની ટિપ્પણીને લઈને ટ્રોલ થઈ રહી છે. ટ્વિટર પર #JuhiChawla ટ્રેન્ડ કરી રહ્યું છે.

Juhi Chawla JNU Attack Reaction જૂહી ચાવલા જેએનયુ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ