મનોરંજન / ઈશ્ક હૈ તો રિસ્ક હૈમાં સલવાયો ગોંડલનો જુગલ ભટ્ટ : KBCમાં 6.40 લાખના આ સવાલનો જવાબ પડ્યો ખોટો

• કૌન બનેગા કરોડપતિમાં ગોંડલનો કન્ટેસ્ટન્ટ 
• જુગલ ભટ્ટે જીત્યા 3 લાખ 20 હજાર રૂપિયા 
• બચ્ચને કરી હતી જુગલ સાથે મસ્તી 

 

 

 

 

View this post on Instagram

 

 

 

 

 

 

 

 

 

 

 

A post shared by Sony Entertainment Television (@sonytvofficial)

બચ્ચને કરી હતી મસ્તી 
જુગલ રૅપના શોખીન હોવાને કારણે અમિતાભ બચ્ચને પણ જુગલ સાથે રૅપ કર્યો અને તેમની સાથે પર્સનલ લાઇફને લઇને પણ ઘણી ચર્ચા કરી હતી. જુગલનો એક ક્રશ છે, જેના વિશે જાણવાની અમિતાભને પણ ખુબ ઇચ્છા હતી. એપિસોડમાં અમિતાભે જુગલને ઘણીબધી વાર તેના ક્રશ વિશે પુછ્યુ હતુ અને જુગલે પણ શરમાઇને જવાબ આપ્યા હતા. 

રિસ્ક હે તો ઇશ્ક હે
ગુજરાતી હર્ષદ મહેતા પર બનેલ વૅબ સિરીઝનો ફેમસ ડાયલોગ ઇશ્ક હૈ તો રિસ્ક હૈને ખુબ જ ગંભીરતાથી લઇને જુગલે ઘણા સવાલોના જવાબ રિસ્ક લઇને આપ્યા હતા. કેટલાક પ્રશ્નોના જવાબ તેમને ખબર નહોતી તેમ છતાં રિસ્ક લીધુ અને તે જવાબો સાચા પણ પડ્યા હતા. બાદમાં તેમણે અમિતાભ બચ્ચનને કહ્યું પણ હતું કે રિસ્ક હે તો ઇશ્ક હૈ. 

ચાર લાઇફલાઇન કરી યુઝ 
આપણે સૌ જાણીએ છીએ કે કૌન બનેગા કરોડપતિમાં ચાર લાઇફલાઇન આવે છે અને જુગલે ખુબ જ જલ્દી ચારેય લાઇફલાઇનનો ઉપયોગ કરી લીધો હતો. ખૂબ ઓછી રકમ જીતવા માટે જુગલે 3 લાઇફ લાઇનનો ઉપયોગ કર્યો. માઇથોલોજીના પ્રશ્ન માટે જુગલે લાઇફલાઇનનો ઉપયોગ નહોતો કર્યો. 

બચ્ચને માર્યો ટોન્ટ 
જુગલે શો દરમિયાન તેવું ઘણી બધી વાર કહ્યું તે આ શોમાં તેની ક્રશ તેને જોશે બાદમાં તેના મનની વાત કરશે અને શોનો પ્રોમો જોયા બાદ ક્રશ કદાચ તેની સાથે સંબંધ બાંધવા તૈયાર થશે. ત્યારે બચ્ચને તેને કહ્યું કે આ સવાલનો જવાબ નહી આપી શકો અને નહી જીતી શકો અને તે પ્રોમો જોઇ લેશે તો તમારો દાવ ઉંધો ન પડી જાય તેનું ધ્યાન રાખજો. જે બાદ જુગલે રિસ્ક લઇને જવાબ આપ્યો અને તે સવાલનો જવાબ સાચો પડ્યો હતો. 

11મા પ્રશ્નનો જવાબ નહોતો આવડ્યો
જુગલે 3 લાખ 20 હજાર રૂપિયા જીતીને ઘરે જવું પડ્યું હતુ અને તેમને 11મા પ્રશ્નનો જવાબ નહોતો આવડ્યો. તે પ્રશ્ન આ રીતે હતો. 

આમાંથી કઇ પ્રાચીન સિંધુ ઘાટી સભ્યતાના સ્થળને કોટાડા ટિમ્બા તરીકે પણ ઓળખવામાં આવે છે, જેનો અર્થ મોટો કિલ્લો થાય છે. 

A: બનાવલી
B: ધોળાવીરા
C: લોથલ
D: રાખીગઢી

આ ચાર ઓપ્શન હતા જેમાંથી સાચો જવાબ ધોળાવીરા હતો પરંતુ જુગલ પાસે કોઇ લાઇફલાઇન પણ નહતી અને તેને આ પ્રશ્નનો જવાબ ન આવડ્યો જેથી 3 લાખ 20 હજારમાં જ સંતોષ માનવો પડ્યો હતો.