ટેકનોલોજી / Jio લોન્ચ કરવા જઇ રહ્યું છે પોતાનું Laptop, જાણો શું હશે સુવિધા

• રિલાયન્સ જીયો હવે ઈલેક્ટ્રોનિક પ્રોડક્ટ્સમાં પણ જમાવશે વર્ચસ્વ
• જિયો પોતાના પહેલા 5G સ્માર્ટફોન પર કરી રહ્યું છે કામ
• કંપની હવે પોતાનું લેપટોપ JioBook Laptop પણ કરી રહી છે લોન્ચ

લોન્ચ થવા જઇ રહ્યું છે JioBook Laptop

આ લેપટોપની ખાસિયત તેની ઓછી કિંમત હશે. આવો આ લેપટોપના ફીચર્સ વિશે જાણીએ. 91Mobiles એ એક રિપોર્ટમાં જિયોનુ પહેલુ લેપટોપ, JioBook Laptopનું હાર્ડવેર એપ્રુવલ ડોક્યુમેન્ટ શેર કર્યુ છે, જેમાં આ કહેવામાં આવ્યું છે. આ સાથે લિસ્ટિંગ પ્રમાણે કંપનીનું નામ Emdoor Digital Technology Co Ltd છે, એટલેકે જિયોએ લેપ્ટોપ્સ બનાવવા માટે એક થર્ડ પાર્ટી વેન્ડર સાથે હાથ મિલાવ્યો છે, પરંતુ તે તેને પોતાની બ્રાન્ડિંગથી લોન્ચ કરશે. 

નવા લેપટોપનું હાર્ડવેર

91Mobiles ના રિપોર્ટનો ઉલ્લેખ અમે પહેલા કર્યો. જે હિસાબે જિયોનું આ લેપટોપ વિન્ડોઝ 10 આઉટ-ઓફ-ધ-બોક્સ પર કામ કરી શકે છે અને આ લેપટોપને વિન્ડોઝ 11 પર પણ અપગ્રેડ કરી શકાય છે. JioPhone Next ની જેમ JioBook Laptop કિંમતમાં પણ ઘણુ સસ્તુ હશે. લિસ્ટિંગે આ કન્ફર્મ કર્યુ છે કે આ લેપટોપમાં AMD અથવા ઈન્ટેલના x86 પ્રોસેસર્સ નહીં, પરંતુ ARM પ્રોસેસર મળશે. ઉલ્લેખનીય છે કે, અત્યારે અમારી પાસે લેપટોપ વિશે વધુ માહિતી સામે આવી નથી. પરંતુ 91Mobilesથી પહેલા પણ ભારતની  સર્ટીફિકેશન વેબસાઈટ, BIS અને ગીકબેન્ચ પર આ લેપટોપને જોવામાં આવ્યું છે. જો કે, ગીકબેન્ચના હિસાબે JioBook એન્ડ્રોઈડ પર કામ કરશે. ગીકબેન્ચના હિસાબે આ લેપટોપમાં મીડિયાટેક MT8788 પ્રોસેસર અને 2GB સુધીના RAMની વાત કરવામાં આવી છે.