જામનગર:સ્ટેન્ડિંગ કમિટીના વિવાદાસ્પદ ઠરાવનો વિપક્ષે કર્યો અનોખો વિરોધ

જામનગર મહાનગરપાલિકામાં  વિરોધ પક્ષે અનોખો વિરોધ કર્યો હતો. સ્ટેન્ડિંગ કમિટીના વિવાદાસ્પદ ઠરાવનો વિરોધ કરાયો હતો.

ગ્રાન્ટ ફાળવણીમાં ભેદભાવના આક્ષેપ સાથે સ્ટેન્ડિંગ કમિટીના ચેરમેનની ઓફિસમાં બાળકને ચેરમેન બનાવી વિરોધ નોંધાવ્યો હતો અને બાળકોને સાથે રાખી વિરોધ પક્ષે વિરોધ નોંધાવ્યો હતો. જોકે વિરોધ પક્ષના વિરોધને મેયરે ગેરકાયદેસર ગણાવ્યો હતો અને તેની સામે પોલીસ ફરિયાદ નોંધવામાં આવશે તેવું જણાવ્યું હતું.  

ઉલ્લેખનીય છે કે ધારાસભ્ય પોતાની ગ્રાન્ટની રકમ પોતાના જ વિસ્તારમાં વાપરી શકે. એવા સ્ટેન્ડિંગ કમિટીએ કરેલ ઠરાવને લઈને હાલ બે દિવસથી વિપક્ષ દ્વારા આશ્ચર્યજનક કાર્યક્રમ આપવામાં આવી રહ્યા છે.



આ ઠરાવને કારણે વિપક્ષ કોંગ્રેસના ૧૬ નગર સેવકોને ગ્રામ્ય ધારાસભ્યએ ફાળવેલ રૂપિયા ૧.૬૦ કરોડની ગ્રાન્ટ નહીં મળે. જેને કારણે કોગ્રેસના નગર સેવકોના વોર્ડમાં વિકાસ કર્યો નહિ થાય એવા આક્ષેપ સાથે વિપક્ષ દ્વારા કરવામાં આવ્યો હતો. 

ત્યારે આજે બાળકોને સાથે રાખી સ્ટેન્ડિંગ ચેરમેનની ઓફિસમાં ગાંધીગીરી કરવા પહોચ્યા હતા. પરંતુ ચેરમેન હાજર ન હોવાથી એક બાળકને ચેરમેન બનાવી બાળકોએ ગુલાબનું ફૂલ આપી. વિવાદાસ્પદ ઠરાવ પરત ખેંચવાની માંગણી કરી હતી. આ સાથે સામે પક્ષે ભાજપના સત્તાધારી જૂથે વિપક્ષની કામગીરીને ગેર-કાયદે ગણાવી હતી.