આદેશ / લદ્દાખ તણાવ વચ્ચે જમ્મૂ કાશ્મીર સરકારનો મોટો નિર્ણય, લોકોની ચિંતામાં થયો વધારો

• લદ્દાખ તણાવ વચ્ચે જમ્મૂ કશ્મીર સરકારનો મોટો નિર્ણય
• 2 મહિના સુધીનો LPG સિલિન્ડર સ્ટોક કરવા આદેશ 
• ગાંદરબલમાં સુરક્ષાદળો માટે સ્કૂલો ખાલી કરવા આદેશ

લદ્દાખમાં ભારત-ચીન વચ્ચે ચાલી રહેલા તણાવ વચ્ચે જમ્મુ કાશ્મીર સરકારે બે અલગ અલગ આદેશ જાહેર કર્યા છે. જેના કારણે ત્યાંના લોકોમાં ચિંતા વધતી જણાઇ રહી છે. જેમાં એક આદેશમાં કાશ્મીરમાં લોકોને ઓછામાં ઓછા બે મહિના માટે એલપીજી સિલિન્ડર સ્ટોક કરવા માટે કહેવામાં આવ્યું છે.

આ સિવાય જમ્મુ કાશ્મીરમાં એક બીજો આદેશ પણ આપવામાં આવ્યો છે. બીજા આદેશ અનુસાર, ગાંદરબલમાં સેના માટે શાળાની બિલ્ડિંગ્સ ખાલી કરવાના આદેશ આપવામાં આવ્યા છે. કાશ્મીરમાં ગાંદરબલ જિલ્લા લદ્દાખના કારગિલથી જોડાયેલ છે. ત્યારે આ મામલે પૂર્વ મુખ્યમંત્રી ઉમર અબ્દુલ્લાએ ટ્વિટ કરીને કહ્યું કે, સરકારના આદેશ કાશ્મીરમાં ફફડાટ ઉભા કરી રહ્યા છે.

Government orders are creating panic in Kashmir & unfortunately after all the lies & false assurances last year even if/when the government explains these orders hardly any of us will take the assurances at face value. That said they still need to explain these orders. https://t.co/16mteocYAO

— Omar Abdullah (@OmarAbdullah) June 28, 2020

એલપીજી સ્ટૉક

જમ્મુ કાશ્મીરના ઉપરાજ્યપાલના સલાહકારે એક બેઠકમાં એલપીજીના જરૂરી સ્ટૉકને રાખવાના આદેશ આપ્યા છે. આદેશમાં કહેવામાં આવ્યું છે કે ભૂસ્ખલનના કારણે રાષ્ટ્રીય રાજમાર્ગ બંધ થવાના કારણે જરૂરીયાતની વસ્તુઓની અછત સર્જાઇ શકે છે. આ આદેશને મોસ્ટ અર્જન્ટ મેટરના રૂપમાં વર્ણિત કરવામાં આવ્યો છે.