ફાયરિંગ / જમ્મુ કાશ્મીરમાં આતંકવાદીઓએ સ્પેશિયલ પોલીસ ઓફિસરની તેના ઘર પાસે ગોળી મારીને કરી હત્યા

• જમ્મુ કાશ્મીરમાં આતંકવાદીઓએ પોલીસ અધિકારી પર કર્યું ફાયરિંગ
• બડગામમાં SPO અને તેમના ભાઈ પર આતંકવાદીઓએ કર્યું ફાયરિંગ
• સારવાર દરમિયાન SPO અશફાક અહમદે લીધા અંતિમ શ્વાસ

જમ્મુ કાશ્મીરના બડગામમાં આતંકવાદીઓએ ફાયરિંગ કરતા SPOને ગોળી વાગી હતી, જ્યારબાદ તેમને હોસ્પિટલ લઇ જવાયા, જ્યાં તેમણે અંતિમ શ્વાસ લીધા. જમ્મુ કાશ્મીર પોલીસે આ વાતની માહિતી આપી.

ત્યારે, આ મામલે એક અધિકારીએ કહ્યું કે, રાત્રે 8:35 કલાકે આતંકવાદીઓએ ફાયરિંગ કર્યું અને SPO અશફાક અહમદને બડગામમાં ચાડબુગ ખાતે તેના ઘર પાસે ગંભીર રીતે ઇજાગ્રસ્ત કરી દીધા.

Jammu & Kashmir | A Special Police Officer (SPO) shot at and injured by terrorists in the Chattabugh area of Budgam, his brother was also injured; they've been shifted to a hospital. Security forces cordoned off the area. Further details awaited: Police

— ANI (@ANI) March 26, 2022

તેમણે જણાવ્યું કે, ફાયરિંગમાં અહમદના ભાઈ ઉમર જાનને પણ ગોળીઓ વાગી. અધિકારીઓએ જણાવ્યું કે, બન્ને ભાઇને બેમિના સ્થિત એસકેઆઈએમએસ હોસ્પિટલ લઇ જવાયા, જ્યાં અહમદનું મોત થઇ ગયું. તેમણે જણાવ્યું કે, ઉમરની સારવાર ચાલી રહી છે. હુમલાખોરોને પકડવા માટે વિસ્તારની ઘેરાબંધી કરી દેવામાં આવી છે. 

જણાવી દઇએ કે જમ્મુ કાશ્મીરમાં આતંકવાદીઓની નાપાક હરકતો વધી રહી છે. આતંકવાદીઓ સામાન્ય નાગરિકોને તો ક્યારેક સેનાના જવાનોને નિશાન બનાવી રહ્યા છે.