જમ્મુ કાશ્મીરમાં બે જગ્યા પર સુરક્ષાબળ અને આતંકીઓ વચ્ચે મુઠભેદ જારી છે. શોપિયામાં સુરક્ષાબળોએ આતંકીઓનો ઘેરાવો કર્યો છે, જ્યારે સોપોરમાં આંતકીઓએ CRPF કેમ્પ પર ગ્રેનેડથી હુમલો કર્યો છે.
ઉત્તર કાશ્મીરના સોપોરમાં એસબીઆઇ બેંકની પાસે મુખ્ય ચોકમાં સ્થિત સીઆરપીએફ કેમ્પ પર આતંકીઓએ હુમલો કર્યો છે. આતંકીઓના ગ્રેનેડથી હુમલો કરવાની માહિતી છે.
આતંકવાદીઓએ મેન ચોક પર સીઆરપીએફ કેમ્પની તરફથી એક યૂબીજીએલ ફાયર કર્યું. હુમલામાં બે જવાનો ઘાયલ થયા હોવાની માહિતી મળી છે. એમાંથી એક એસએચઓ સામેલ છે. આ વચ્ચે સમગ્ર વિસ્તારની સુરક્ષાદળોએ ઘેરાવો કર્યો છે.
જ્યારે જમ્મુ કાશ્મીરમાં શોપિયાના વારપોરમાં બે આતકીઓ છુપાયા હોવાની સૂચના બાદ સુરક્ષાબળોએ શોધખોળ અભિયાન ચલાવ્યું,ત્યાર બાદ પોતાને ઘેરાયેલા જોઇને આતંકીઓએ ફાયરિંગ શરૂ કરી દીધું.
ઑપરેશન દરમિયાન ઇન્ટરનેટ સેવાને બંધ કરી દેવામાં આવી છે. આ પહેલા બુધવારે સુરક્ષાબળોએ આતંકીઓની મોજૂદગીના ઇનપુટ મળવા પર શોપિયા અને બારામુલામાં શોધખોળ ચાલી રહી હતી.