ips officers come to the rescue of child suffering from autism brings 20 litres of camel milk by a parcel cargo train from rajasthan to maharashtra amid coronavirus lockdown
પ્રેરણા /
બીમાર બાળક માટે IPS બન્યા દેવદુત, રેલવેએ લૉકડાઉન વચ્ચે ૨૦ લિ. દૂધ રાજસ્થાનથી મુંબઇ પહોંચાડ્યું
દેશમાં કોરોના વાયરસના કેસ સતત વધી રહ્યા છે ત્યારે PM મોદીએ 21 દિવસનું લૉકડાઉન જાહેર કર્યું છે. આ સમયે અનેક જરૂરી ચીજો દરેક જગ્યાએ પહોંચાડવામાં આવી રહી છે. અનેક લોકોએ હોમ ડિલિવરીની સુવિધાઓનો લાભ લીધો છે. પણ મુંબઈમાં એક બીમાર બાળકને ફક્ત ઊંટડીનું જ દૂધ આપવાનું છે. પરિવારજનોએ પીએમની પાસે મદદ માંગી તો IPS ઓફિસરે સ્પેશ્યલ પરમિશન લઈને ટ્રેનથી 20 લિટર દૂધ મોકલ્યું.
લૉકડાઉનમાં બીમાર બાળક માટે મોકલાયું દૂધ
20 લિટર ઊંટડીના દૂધની સરકારે કરી વ્યવસ્થા
સ્પેશ્યલ ટ્રેનથી મોકલાયું બાળક માટે દૂધ
4 એપ્રિલે મુંબઈના ચેમ્બૂરમાં રહેનારી એક મહિલાએ પીએમ મોદીના ટ્વિટ પર ટેગ કરીને લખ્યું હતું કે મારો 3.5 વર્ષનો દીકરો બીમાર છે. જે ઓટિઝ્મ અને ખાવાની ગંભીર એલર્જી ધરાવે છે. ફક્ત ઊંટડીનું દૂધ અને દાળ પર જીવે છે. લૉકડાઉન શરૂ થયું ત્યારે અમને ખ્યાલ ન હતો કે ઊંટડીનું દૂધ આટલા લાંબા સમય સુધી નહીં મળે. પ્લીઝ રાજસ્થાનના સદરીથી ઊંટડીના દૂધનો પાવડર લાવવામાં અમારી મદદ કરો.
આ રીતે દીકરા માટે મેળવ્યું દૂધ
દીકરાની વ્યથા ભોગવી રહેલી માતાના ટ્વીટ પર અનેક ઓફિસરોની નજર પડી. ઓરિસ્સાના કેડરના આઈપીએસ ઓફિસર સહિત અનેક લોકોએ ખાસ પગલાં લીધા અને ઊંટડીનું ફ્રોઝન દૂધ 20 લિટર તેમના ઘરે પહોંચાડ્યું.
રેલવેએ કર્યો અથાગ પરિશ્રમ
અનેક જગ્યાઓએ સંપર્ક કર્યા બાદ રેલવે વિભાગે નક્કી કર્યું કે દૂધ સપ્લાયર ફાલના સ્ટેશન સુધી ઊંટડીનું દૂધ પહોંચાડી શકશે. રેલવેથી પંજાબના લુધિયાણાથી બાંદ્રા ટર્મિનસ આવનારી કાર્ગો ટ્રેન નંબર 00902ને રાજસ્થાનના અજમેરના ફાલના સ્ટેશન પર રોકવાની પરમિશન લેવામાં આવી. અને બાળક સુધી દૂધ પહોંચાડવામાં આવ્યું. એટલું જ નહીં ફાલના સ્ટેશનનું ગુડ્સ બુકિંગ કાઉન્ટર પણ દૂધ લેવા માટે ખોલવામાં આવ્યું. અને ત્યાંથી મહિલાના ઘર સુધી બીમાર બાળક માટે દૂધ મોકલવામાં આવ્યું.