એશિયા કપ અને ટી20 વર્લ્ડ કપ 2020 રદ્દ થયા બાદ ઇન્ડિયન પ્રીમિયર લીગ (IPL)નો રસ્તો સાફ થઇ ગયો હતો. હવે આઈપીએલની તારીખ પણ સામે આવી ગઇ છે. દુનિયાની સૌથી લોકપ્રિય ક્રિકેટ લીગ 19 સપ્ટેમ્બરથી UAEમાં શરૂ થશે.
IPLની તારીખ થઇ નક્કી
19 સપ્ટેમ્બરથી UAEમાં શરૂ થશે મેચ
8 નવેમ્બરે ફાઇનલ મેચ
ઇન્ડિયન પ્રીમિયર લીગ(IPL) 19 સપ્ટેમ્બરે સંયુક્ત અરબ અમીરાત (UAE)માં શરૂ થશે. આ ટૂર્નામેન્ટની ફાઇનલ મેચ 8 નવેમ્બરે રમાશે. આ માહિતી BCCIના સૂત્રોએ ગુરૂવારે આપી હતી. IPLની ફ્રેન્ચાઇજિયોને આ ફૉર્મૂલા વિશે જાણ કરવામાં આવી છે. શક્યતા છે કે આગામી થોડા દિવસોમાં થનારી IPL ગવર્નિંગ કાઉન્સિલમાં આની પુષ્ટિ થઇ જશે.
આ પહેલા બીસીસીઆઈના એક અધિકારીએ કહ્યું કે બોર્ડ UAEની એરલાઇન્સ અમીરાત અને ઇતિહાતના સંપર્કમાં છે. ઓગસ્ટના તેમના કાર્યક્રમ વિશે તેમણે જાણકારી માંગી છે, કારણ કે ટીમ ઓગસ્ટના અંતમાં યૂએઈ માટે રવાના થઇ શકે છે.
અધિકારીએ કહ્યું કે, BCCIની સંબંધિત ટીમે યૂએઈમાં અમીરાત, એતિહાદ જેવી એરલાઇનનો સંપર્ક કર્યો છે અને પૂછ્યું છે કે તેઓ કઇ રીતે વિમાન સેવા શરૂ કરવા અંગે વિચારી રહ્યા છે અને શું તેઓ ભારતમાં દિલ્હી, મુંબઈ, કોલકાતા જેવા શહેરોમાં વિમાન સેવા શરૂ કરવા અંગે વિચારી રહ્યા છે.