ભારતીય જીવન વીમા નિગમ ((LIC) એ ઓછી આવક ધરાવતા લોકો માટે એક વિશેષ પોલિસી શરૂ કરી છે. આ રેગ્યુલર પ્રીમિયમવાળા પ્લાનમાં ઘણાં ફીચર્સ છે. આ ઈન્શ્યોરન્સ પ્લાનમાં 50 હજાર રૂપિયાથી લઈ 2 લાખ સુધીનો વીમો મળશે. આ નોન-લિંક્ડ વીમા યોજના છે અને આ યોજના પર લોનની સુવિધા પણ છે. તમને જણાવી દઇએ કે, આ પ્લાન પ્રોટેક્શન અને સેવિંગનું કોમ્બિનેશન છે. આ પ્લાન આકસ્મિક મૃત્યુના કિસ્સામાં પરિવારને આર્થિક સહાય પૂરી પાડે છે. ઉપરાંત, પોલિસી મેચ્યોર થવા પર એક નિશ્ચિત રકમ મળશે. ચાલો જાણીએ આ પ્લાનની ડિટેલ.
કોણ લઈ શકે છે આ પોલિસી
કોઈપણ વ્યક્તિ જે શારીરિક રીતે સ્વસ્થ હોય
પ્લાન લેનાર વ્યક્તિ 18 વર્ષનો હોવો જોઈએ
55 વર્ષથી ઉપરના લોકો આ પ્લાન લઈ શકશે નહીં
5 હજારના મલ્ટીપલમાં બીએસએ અવેલેબલ
કોઈ મેડિકલ તપાસની જરૂર નથી
મેચ્યોરિટી બેનિફિટ્સ
પ્લાન મેચ્યોર થવા પર પોલિસી હોલ્ડરને એક નિશ્ચિત રકમ આપવામાં આવશે. જો પોલિસી હોલ્ડરનું મૃત્યુ થઈ જાય તો વીમાની રકમ પરિવારજનોને મળશે. આ પ્લાનમાં લોયલ્ટીનો ફાયદો પણ મળશે. જો તમે 3 વર્ષ સુધી આ પોલિસીમાં પ્રીમિયમ ભર્યું છે તો તમને માઈક્રો બચત પ્લાનમાં લોનની સુવિધા પણ મળશે.
કેટલું પ્રીમિયમ આપવું પડશે
માઇક્રો બચત ઈન્શ્યોરન્સ પ્લાનમાં 10 વર્ષ, 12 વર્ષ અને 15 વર્ષ માટે પ્રીમિયમ ભરવાના વિકલ્પ મળશે. આ અંતર્ગત, જો 18 વર્ષની વ્યક્તિ 15 વર્ષનો પ્લાન લે છે તો એક હજાર દીઠ 51.5 રૂપિયા પ્રીમિયમ ભરવું પડશે. જ્યારે 25 વર્ષના પ્લાનમાં 51.60 રૂપિયા અને 35 વર્ષના પ્લાન માટે 52.20 રૂપિયા, 45 વર્ષના પ્લાન માટે 54.50 રૂપિયા અને 55 વર્ષના પ્લાનમાં 59.80 રૂપિયા પ્રીમિયમ એક હજાર દીઠ ભરવું પડશે. વાર્ષિક પ્રીમિયમમાં 2 ટકાની છૂટ પણ મળશે. જો આ પોલિસી ખરીદ્યા બાદ તમને પસંદ નથી તો તમે 15 દિવસમાં સરેન્ડર પણ કરી શકો છો. સાથે જ આ પ્લાનમાં સેક્શન 80સી હેઠળ ટેક્સ બેનિફિટ પણ મળશે. વધુ માહિતી LICની વેબસાઈટ www.licindia.in પર પણ જઈ શકો છો.