એક્શન / યુક્રેન પર આક્રમણ ભારે પડશે: આંતરરાષ્ટ્રીય રમતોમાં રશિયા અને બેલારૂસના ખેલાડીઓના પત્તા કપાશે, થશે મોટો ફજેતો

• યુક્રેન પર આક્રમણ કરીને રશિયા ભરાયું
• રશિયા પર લાગી રહ્યા છે પ્રતિબંધો
• આંતરરાષ્ટ્રીય રમતમાં મોટો ફટકો

યુક્રેન પર આક્રમણ કરનારૂ રશિયાને રફેદફે કરવા માટે ઈંટરનેશનલ ઓલંપિક કમિટીએ આકરૂ વલણ અપનાવ્યું છે. જે અંતર્ગત દુનિયાભરના ખેલ સંઘોએ મોટી અપીલ કરી છે. ઈંટરનેશનલ ઓલંપિક કમિટીના તમામ સંઘોએ ભલામણ કરતા કહ્યું છે કે, તે રશિયા અને બેલારૂસના અધિકારીઓ અને ખેલાડીઓને આંતરરાષ્ટ્રીય ટૂર્નામેન્ટમાંથી બહાર કરી દેશે. IOCએ કહ્યું કે, વૈશ્વિક રમત સ્પર્ધાઓની અખંડિતતાની રક્ષા માટે અને તમામ સ્પર્ધાઓની સુરક્ષા માટે આ જરૂરી હતું. આ નિર્ણયથી વિશ્વ ફુટબોલની સર્વોચ્ચ સંસ્થા ફીફા માટે રશિયાને 24 માર્ચે યોજાનારી વિશ્વ કપ ક્વાલીફાઈંગ મેચમાંથી બહાર હાંકી કાઢવાનો રસ્તો ખુલ્લી ગયો છે. પોલેન્ડે પહેલા  જ આ નિર્ધારિત મેચમાંથી રશિયા સામે રમવાની ના પાડી દીધી છે. આઈઓસીની અપીલ બેલારૂસના ખેલાડીઓ અને અધિકારીઓ પર પણ લાગૂ થાય છે, જે રશિયાના હુમલાને સમર્થન આપી રહ્યા છે.  

IOC એ કહ્યું કે, તેમને ભારે મન સાથે આ નિર્ણય લીધો છે, પણ યુદ્ધના કારણે યુક્રેનની રમત પર પડનારી અસર રશિયા અને બેલારૂસના ખેલાડીઓને થનારા નુકસાન કરતા અનેકગણુ વધારે છે.

રશિયા અને બેલારૂસના એથલિટો પર પૂર્ણ પ્રતિબંધ નહીં

આઈઓસીએ પૂર્ણ પ્રતિબંધ લગાવ્યો નથી. તેમણે કહ્યું કે, જ્યાં સંગઠનાત્મક અથવા કાયદાકીય કારણોથી આટલું જલ્દી ખેલાડીઓ અને અધિકારીઓને બહાર કરવું સંભવન નથી, તો વળી રશિયા અને બેલારૂસના ખેલાડીઓને તટસ્થ ખેલાડીઓ તરીકે ભાગ લેવો જોઈએ તથા તે પોતાના રાષ્ટ્રીય ધ્વજ, રાષ્ટ્રગામ અથવા પ્રતિક ચિન્હોનો ઉપયોગ કરી શકશે નહીં. તેમાં બિઝીંગમાં યોજાનારા આગામી શિયાળુ પૈરાલંપિક રમત પણ શામેલ છે. ઓલંપિક સમિતિએ વ્લાદિમીર પુતિનને 2011માં આપવામાં આવેલા ઓલંપિક ઓર્ડર પણ પાછા લઈ લીધા છે. ત્યાર બાદ રશિયાના અધિકારીઓને આપવામાં આવેલા સન્માન પણ પાછા ખેંચવામાં આવ્યા છે. યુરોપની કેટલીય રમત ગમત સંસ્થા પહેલાથી જ રશિયાનો વિરોધ કરી ચુકી છે. તેમણે રશિયા ટીમની મેજબાની કરવા અથવા તેના વિરુદ્દ રમવાની પણ ના પાડી દીધી છે. 

રશિયા વિરુદ્ધ એક્શનમાં કેટલાય યુરોપિય દેશ

ફિનલેંમડ ઈચ્છે છે કે રશિયાને આઈસ હોકી ટીમ પુરુષ વૈશ્વિક ચેમ્પિયનશિપમાં ભાગ લેતા રોકવું જોઈએ. ફિનલેન્ડ મેમાં આ ટૂર્નામેન્ટની મેજબાની કરશે. સ્વિટ્ઝરલેંડના ફૂટબોલ મહાસંઘે કહ્યું કે, તેમની મહિલા ટીમ જૂલાઈમાં યુરોપિય ચેમ્પિયનશિપમાં રશિયા સામે નહીં રમે. જર્મન ફૂટબોલ ક્લબ શાલ્કેએ કહ્યું કે, તેણે રશિયાની સરકાર નિયંત્રિત ઊર્જા કંપની ગાઝપ્રોમ સાથે લાંબા સમયથી ચાલ્યો આવોત સંબંધ તોડવાનો નિર્ણય કર્યો છે. ફીફાએ રશિયાને વિશ્વ કપ ક્વાલીફાઈંગમાંથી તાત્કાલિક ધોરણે બહાર નહીં કરવા અને દેશને ફક્ત તટસ્થ સ્થળો પર ધ્વજ અને રાષ્ટ્રગામ વગર પોતાના મહાસંઘ ફૂટબોલ યુનિયન ઓફ રશિયાના નામથી રમાવાનો આદેશ આપ્યો છે, જેને લઈને યુરોપિય દેશોએ પોતાના નારાજગી વ્યક્ત કરી છે. પોલેન્ડ ઉપરાંત સ્વીડન અને ચેક ગણરાજ્યે પણ કહ્યું છે કે, તે રશિયા વિરુદ્ધ પોતાની ટીમ નહીં ઉતારે.