પરિણામ / CS ફાઉન્ડેશનનું રિઝલ્ટ જાહેરઃ અમદાવાદની ખુશી સંઘવી ઓલ ઇન્ડિયામાં પ્રથમ, 10 વિદ્યાર્થીઓ ટોપ 25માં

ઓલ ઇન્ડિયા ટોપ 25માં અમદાવાદના 10 વિદ્યાર્થીઓને સ્થાન મળ્યું છે. અમદાવાદના 233 વિદ્યાર્થીઓએ પરીક્ષા આપી હતી. જેમાંથી 147 વિદ્યાર્થીઓ પાસ થયા છે. આમ, અમદાવાદ સેન્ટરનું પરિણામ 63.09 ટકા આવ્યું છે.

કંપની સેક્રેટરી ફાઉન્ડેશનની જૂન માસમાં લેવાયેલ પરિણામની વાત કરવામાં આવે તો અમદાવાદમાં 233 વિદ્યાર્થીઓએ પરીક્ષા આપી હતી. જે પૈકી 147 વિદ્યાર્થીઓ પાસ થતા પરિણામ 63.09 ટકા આવ્યું છે. 

અમદાવાદ ની ખુશી સંઘવીએ 89.50 ટકા સાથે દેશભરમાં પ્રથમ ક્રમાંક મેળવ્યો છે. બી.કોમમાં અભ્યાસ કરતી ખુશીએ રોજની 12 થી 15 કલાકની મેહનત બાદ પરિણામ મેળવ્યું છે, જ્યારે નિશિ શાહ  87 પેરસેન્ટ સાથે અમદાવાદમાં બીજા અને દેશમાં પાંચમો ક્રમાંક મેળવ્યો છે. સાથે કીર્તન પંચાલે રાજ્યમાં ત્રીજા અને દેશમાં 14મો ક્રમાંક મેળવ્યો છે.

જ્યારે સુરતની કૃતિકા તલેસરાએ દેશમાં સાતમો અને સુરતમાં પ્રથમ ક્રમાંક મેળવ્યો છે. મહત્વનું છે કે આ પરીક્ષાનું પરિણામ icsi.edu પર જાણી શકાશે.