Technology / ગજબ ફીચર : હવે Instagram પર ડિલીટ કરેલી પોસ્ટ રિકવર કરી શકશો, જાણો કેવી રીતે

• ઇન્સ્ટાગ્રામનું નવુ ફીચર 
• ડિલીટ કરેલી પોસ્ટ કરી શકાશે રિકવર 
• રિસાયકલબીનની જેમ કામ કરશે આ ફીચર

આ ફીચર્સ અંતર્ગત ડિલીટ કરાયેલી પોસ્ટ 30 દિવસની અંદર રિકવર કરી શકાશે. આ ફીચરને તમે કમ્પ્યુટરની રિસાયકલ બીનની જેમ જ સમજી શકો છો. 

આ માટે ઇન્સ્ટાગ્રામે ખાસ રિસેન્ટ્લી ડિલિટેડ ફોલ્ડર બનાવ્યો છે. જો યુઝર કોઇ પોસ્ટને ડિલીટ કરે છે તો તે તસવીર ફોલ્ડરની અંદર 30 દિવસ માટે રહી શકશે. યુઝર ઇચ્છે તો 30 દિવસની અંદર તે તસવીરને રિકવર કરી શકે છે. 

ઇન્સ્ટાગ્રામનું આ ફીચર ખુબ જ ફાયદાવાળું છે. હવે યુઝર્સને પોતાની ડિલીટ કરેલી પોસ્ટનો રિવ્યુ કરવાનો મોકો મળશે. જે બાદ પોસ્ટને ડિલીટ કે રિકવર કરી શકાશે. ફોટો વીડિયો કે રીલ કંઇ પણ તમે ડિલીટ કરશો એટલે તે રિસેન્ટલી ડિલીટેડ ફોલ્ડરમાં જશે. 30 દિવસ બાદ તે ફોલ્ડરમાંથી તસવીર જાતે જ ડિલીટ થઇ જશે. 

ઇન્સ્ટાગ્રામે કહ્યું કે, આ ફીચર ત્યારે જ ઉપયોગી છે જ્યારે તમારુ અકાઉન્ટ હૅક થઇ જશે. કંપની પોસ્ટ ડિલીટને લઇને એક્સ્ટ્રા પ્રોટેક્શન પણ આપે છે. જો યુઝરનુ અકાઉન્ટ હેક થાય છે તો હેકર્સ પોસ્ટ ડિલીટ કરવા ઇચ્છશે તો પણ ડિલીટ નહી કરી શકે. 

ઇન્સ્ટાગ્રામ પરથી જ્યારે પણ અકાઉન્ટ ડિલીટ કરવાનું હશે તો કંપની તે વેરિફાઇ કરશે કે આ અકાઉન્ટ તેનો યુઝર જ યુઝ કરી રહ્યો છે કે નહી, આ ફીચરનો ઉપયોગ કરવા માટે તમારે એપ્લીકેશન અપડેટ કરવાની રહેશે બાદમાં જ તમે આ ફીચર યુઝ કરી શકશો.