કર્ણાટક / વિશ્વના સૌથી ફાસ્ટ દોડતા ખેલાડીથી પણ ઝડપી દોડ્યો આ ભારતીય યુવક, મંત્રી આપશે મોકો

• કર્ણાટકનાં કંબાલા જોકી રેસમાં વિજેતા બન્યો શ્રીનિવાસ ગૌડા 
• શ્રીનિવાસનો વીડિયો સોશિયલ મીડિયામાં વાયરલ 
• ખેલમંત્રીએ શ્રીનિવાસને ટ્રાયલ માટે બોલાવ્યો 

બોલ્ટ કરતા વધુ ઝડપથી દોડ્યો શ્રીનિવાસ 

શ્રીનિવાસે પારંપરિક ભેંસની રેસમાં 13.62 સેકંડમાં 142.50 મીટરની રેસ પૂરી કરી દીધી. આ પારંપરિક ખેલમાં શ્રીનિવાસને ઈતિહાસનો સૌથી ઝડપી ખેલાડી ઘોષિત કરવામાં આવ્યો છે. શ્રીનિવાસે જે ઝડપથી તે રેસ પૂરી કરી તે જ ઝડપથી હવે તેમનો વીડિયો સોશિયલ મીડિયામાં વાયરલ થઇ રહ્યો છે. લોકોએ ગણતરી કરી તો જાણ થઇ કે 100 મીટર તો તેમણે 9.55 સેકંડમાં જ પૂરાં કરી લીધા હતા. દુનિયાના સૌથી ઝડપથી દોડનાર ખેલાડી બોલ્ટનો વિશ્વ રેકોર્ડ 9.58 સેકંડનો છે.

આનંદ મહિન્દ્રાએ કર્યા વખાણ 

શ્રીનિવાસને દેશભરમાંથી શુભેચ્છાઓ મળી રહી છે. દેશનાં મોટા ઉદ્યોગપતિ આનંદ મહિન્દ્રાએ ટ્વીટ કરીને લખ્યું એક વાર આ ખેલાડીનું શરીર જુઓ. તે એથ્લેટીકમાં ઘણું કરી શકે છે. હેવ આ તો ખેલ મંત્રી કિરણ રિજિજુ તેમને ટ્રેનીંગ આપે અથવા અમે કંબાલા જોકીને ઓલમ્પિકને સામેલ કરીએ, ગમે તે હોય અમને શ્રીનિવાસ માટે ગોલ્ડ મેડલ જોઈએ. 

ખેલ મંત્રીએ કહ્યું મોદી સરકાર બધા જ પ્રકારને ખેલાડીઓ માટે કરશે કામ 

આનંદ મહિન્દ્રાનાં આ ટ્વીટના જવાબમાં કિરણ રિજિજુએ લખ્યું કે 'હું કર્ણાટકનાં શ્રીનિવાસને ટ્રાયલ માટે બોલાવીશ. લોકો ઓલમ્પિકની જાણકારી ખૂબ ઓછી છે. ખાસ કરીને એથ્લેટિકસ જેમાં તાકાતની જરૂર હોય. ભારતની કોઈ પ્રતિભા બેકાર ન જાય તે માટે પૂરા પ્રયત્ન કરીશ.'તે પછી બીજા એક ટ્વીટમાં કિરણ રિજિજુએ કહ્યું શ્રીનિવાસની ટ્રેનની ટીકીટ થઇ ગઈ છે. તે સોમવારે સાઈ સેન્ટર પહોંચી જશે, જ્યાં તેમનો ટ્રાયલ કરવામાં આવશે. તેમણે વધુમાં જણાવ્યું કે નરેન્દ્ર મોદીની સરકાર બધા જ પ્રકારનાં ખેલાડીઓ માટે કામ કરવા માંગે છે.