નિર્ણય / મોંઘવારીનો માર : ઘરેલુ રાંધણ ગેસના ભાવ વધ્યાં, જાણો આ વખતે કેટલો વધારો આવ્યો

• ફરી વાર ઘરેલુ રાંધણ ગેસના ભાવમાં 25 રુપિયાનો કરાયો વધારો
• પહેલેથી પરેશાન પ્રજાને ઝટકો આપ્યો છે.
•  દિલ્હીમાં રાંધણ ગેસના બાટલાનો ભાવ 886 રુપિયા થયો 

25 રુપિયાના વધારાની સાથે દિલ્હીમાં 14.2 કિલો રાંધણ ગેસના બાટલાનો ભાવ 886 રુપિયા, મુંબઈમાં 859.5 રુપિયા, લખનઉમાં 897.5 રુપિયા થઈ ગયો છે. 

પેટ્રોલ, ડીઝલ અને રાંધણ ગેસના વધતા જત ભાવને કારણે કેન્દ્ર સરકારને ઘણી ટીકાનો સામનો કરવો પડી રહ્યો છે. પરંતુ સરકારનું કહેવું છે કે પેટ્રોલિયમ પ્રોડક્ટ્સની કિંમતો આંતરરાષ્ટ્રીય કિંમતો પર નિર્ભર છે અને સરકારના હાથમાં કંઈ નથી. સરકારે સતત ગેસની કિંમતોમાં સબસિડી ખતમ કરવાનો પ્રયાસ કર્યો છે.

એક મિસ્ડ કોલથી નવું એલપીજી કનેક્શન મળી જશે, કંપનીએ શરુ કરી સુવિધા 

ઈન્ડીયન ઓઈલ કોર્પોરેશને ઘેર બેઠા એલપીજી કનેક્શનની સુવિધા આપવાનું શરુ કર્યું છે. નવું એલપીજી કનેક્શન લેવા માટે હવે લોકોએ કંપનીના ડિસ્ટ્રીબ્યુટરની ઓફિસમાં જવાની જરુર નથી પરંતુ 8454955555 પર મિસ્ડ કોલ કરવાનો રહેશે અને તમારુ નવું કનેક્શન બુક થઈ જશે. ગેસ સિલિન્ડર રિફિલિંગ માટે પણ આ જ નંબર કામમાં આવશે.