પ્રથમ ગ્રાસે મક્ષિકા / ભારતની પહેલી બુલેટ ટ્રેઈનનો પ્રોજેક્ટ ખોરંભે ચડ્યો; ડેડલાઈન આટલા વર્ષ ખેંચાઈ શકે છે 

 જાપાન તરફથી ઓછું પાર્ટીસીપેશન અને વધુ ભાવને પગલે ટેન્ડરો રદ થતા ભારતનો પહેલો બુલેટ ટ્રેઈનનો પ્રોજેક્ટ અટવાઈ ગયો છે અને હવે તેની ડેડલાઈન હવે 5 વર્ષ પાછી ઠેલાઇ ગઈ છે. 

ડિસેમ્બર 2023ને બદલે ઓક્ટોબર 2028માં પૂર્ણ કરવાનો લક્ષ રાખવામાં આવ્યો

સૂત્રો તરફથી મળતી માહિતી અનુસાર હવે આ પ્રોજેક્ટને ડિસેમ્બર 2023ને બદલે ઓક્ટોબર 2028માં પૂર્ણ કરવાનો લક્ષ રાખવામાં આવ્યો છે. નોંધનીય છે કે 508 કિમીના આ મુંબઈ અમદાવાદ હાઈ સ્પીડ કોરિડોરના કન્સ્ટ્રક્શનમાં 80% લોન જાપાન તરફથી 0.1%ના વ્યાજે ભારતને મળી રહી છે. આ ઉપરાંત આ સિસ્ટમ પણ મોટાભાગે જાપાનીઝ ટેક્નોલોજી વડે બિલ્ડ થવા જઈ રહી છે. 

પ્રોજેક્ટનો સૌથી કઠિન ભાગ 21 કિમીની અંડર ગ્રાઉન્ડ ટનલ

ભારત આ ટ્રેન સિસ્ટમનો થોડોઘણો હિસ્સો ઓગસ્ટ 2022માં ઓપરેટ કરવાની આશા રાખી રહ્યું હતું કારણ કે આ ત્યારે દેશ સ્વતંત્રતાના 75 વર્ષ પુરા કરવા જઈ રહ્યું છે. જો કે આ ખૂબ મુશ્કેલ લક્ષ છે. આ પ્રોજેક્ટનો સૌથી કઠિન ભાગ 21 કિમીની અંડર ગ્રાઉન્ડ ટનલ છે. આ ટનલનું બાંધકામ એવી રીતે કરવું પડશે જેથી ઉપર આવેલા મહારાષ્ટ્રના ફ્લેમિંગો અભ્યારણ્યને નુકશાન ન થાય. આ માટે સ્પેશ્યલ બોરિંગ મશીન્સ લાવવાની જરૂર પડશે. 

આ ઉપરાંત 11 જેટલા ટેન્ડરોમાં જે કિંમત ક્વોટ કરવામાં આવી છે તે પ્રોજેક્ટની ધારેલી રકમ કરતા 90% વધુ હોવાથી ત્યાં પણ કામ અટકી પડ્યું છે. 

જાપાનના શિન્ઝો આબેએ આરોગ્યના કારણોસર જાપાનના PM પદેથી રાજીનામુ

બીજા એક પરિબળ તરીકે જાપાનના શિન્ઝો આબેએ આરોગ્યના કારણોસર જાપાનના PM પદેથી રાજીનામુ આપી દીધું છે. આબે પોતે આ પ્રોજેક્ટને લઇને ખૂબ ઉત્સાહિત હતા અને તેઓ PM મોદી સાથે નિકટની મિત્રતા ધરાવતા હતા. 

મહારાષ્ટ્રમાં 430 હેકટરમાંથી 100 હેકટર જેટલી જમીન અત્યાર સુધી એકવાયર કરવામાં આવી છે જયારે ગુજરાતમાં આ વર્ષ સુધી લગભગ 1000 હેકટર જમીન એકવાયર કરી દેવામાં આવશે.

 રેલવેના દાવા પ્રમાણે આ પ્રોજેક્ટને લગતી 63% જમીન એકવાયર કરી દેવામાં આવી છે

જો કે પ્રોજેક્ટની ટાઈમલાઈન ધીમી પડી ગઈ છે તેવો સ્વીકાર ભારતીય રેલવે દ્વારા કરવામાં આવ્યો નથી. રેલવેના દાવા પ્રમાણે આ પ્રોજેક્ટને લગતી 63% જમીન એકવાયર કરી દેવામાં આવી છે જયારે 68% સિવિલ વર્કના ટેન્ડર પણ અપાઈ ચુક્યા છે. આ સિવિલ વર્કમાં 6 સ્ટેશનોનો સમાવેશ થાય છે જેમાં મુંબઈના અન્ડર ગ્રાઉન્ડ સ્ટેશનનો પણ સમાવેશ થાય છે.