જમ્મૂ - કાશ્મીરનાં અનંતનાગ જીલ્લામાં સુરક્ષાબળો અને આતંકીઓ વચ્ચે એન્કાઉન્ટર દરમિયાન સેનાનો એક શ્વાન ગંભીર રૂપથી ઘાયલ થઈ ગયો. બે ગોળીઓ વાગ્યા બાદ પણ તે લડતો રહ્યો.
આતંકીઓ સાથેના એન્કાઉન્ટરમાં ઘાયલ થયો સેનાનો શ્વાન ઝૂમ
બે ગોળીઓ લાગ્યા બાદ પણ લડતો રહ્યો શ્વાન 'ઝૂમ'
બે આતંકીઓને મારી પછાડ્યા
આતંકીઓ સાથેના એન્કાઉન્ટરમાં ઘાયલ થયો સેનાનો શ્વાન ઝૂમ
જમ્મૂ - કાશ્મીરનાં અનંતનાગ જીલ્લામાં સુરક્ષાબળો અને આતંકીઓ વચ્ચે એન્કાઉન્ટર દરમિયાન સેનાનો એક હુમલાવર શ્વાન ગંભીર રૂપથી ઘાયલ થઈ ગયો, જેની અધિકારીઓએ જાણકારી આપી છે.
આતંકવાદીઓની હાજરીની જાણકારી મળવા પર સુરક્ષાબળોએ દક્ષિણ કાશ્મીર સ્થિત આ જીલ્લાના તંગપાવા વિસ્તારમાં રવિવારે એટલે કે ૯ ઓક્ટોબરના રોજ મોડી રાત્રે ઘેરાબંધી અને તપાસનું અભિયાન શરુ કર્યું હતું. સોમવારે એટલે કે 10 ઓક્ટોબરની સવારે સેનાએ 'ઝૂમ' નામના પોતાના હુમલો કરનાર શ્વાનને તે ઘરની અંદર મોકલ્યો, જ્યાં આતંકવાદીઓ છુપાયેલા હતા. તેમણે કહ્યું કે ઝૂમ આ પેહલા પણ ઘણા સક્રિય અભીયાનોનો હિસ્સો રહી ચુક્યો છે. અધિકારીઓએ કહ્યું કે આ વખતનાં અભિયાનમાં આતંકવાદીઓની બે ગોળી લાગવા પર તે ઘાયલ થઇ ગયો છે.
ગોળી લાગ્યા બાદ પણ લડતો રહ્યો શ્વાન
અધિકારીઓએ જણાવ્યું કે જૂમે ઓળખાણ કાર્ય બાદ આતંકીઓ પર હુમલો કર્યો, જે દરમિયાન તેને બે ગોળી વાગી. તેમણે કહ્યું કે ઝૂમ લડતો રહ્યો અને પોતાનું કામ પૂરું કર્યું, જેના પરિણામસ્વરૂપ બે આતંકીઓ માર્યા ગયા.
અધિકારીઓએ જણાવ્યું કે અ બહાદુર શ્વાનને સેનાના પશુ ચિકિત્સાલયમાં ભરતી કરાવવામાં આવ્યો છે, જ્યાં તેનો ઈલાજ ચાલી રહ્યો છે. આ એનકાઉન્ટરમાં લશ્કર - એ - તૈયબાનાં બે આતંકવાદીઓ માર્યા ગયા છે, જોકે બે સૈનિકો પણ ઘાયલ થયા છે.
સોશિયલ મીડિયા પર શેર કર્યો વિડીયો
ભારતીય સેનાનાં ચિનાર કોર્પ્સે જૂમનો એક ભાવનાત્મક વિડીયો શેર કર્યો છે અને તેના સમયસર સ્વસ્થ થવાની પ્રાર્થના પણ કરી છે. વિડીયોમાં જૂમને પ્રશિક્ષણ આપતા જોઈ શકાય છે.
વીડિયોમાં, ઝૂમને ઉચ્ચ પ્રશિક્ષિત, ઉગ્ર અને પ્રતિબદ્ધ તરીકે વર્ણવવામાં આવ્યો છે. એવા પણ રીપોર્ટ છે કે ઝૂમને આતંકવાદીઓને પકડવા માટે તાલીમ આપવામાં આવી હતી અને તે ઘણી સક્રિય કામગીરીમાં સામેલ છે. વીડિયોમાં જણાવવામાં આવ્યું છે કે, “10 ઓક્ટોબરના રોજ વહેલી સવારે અનંતનાગના કોકરનાગમાં આતંકવાદીઓ સામેના ઓપરેશનમાં ઝૂમને તે ઘરમાં જવાની જવાબદારી આપવામાં આવી હતી જેમાં આતંકીઓ છુપાયા હોવાની આશંકા હતી. ઝૂમે આતંકવાદીઓને ઓળખીને તેમના પર હુમલો કર્યો. આ દરમિયાન તેને બે ગોળી પણ લાગી હતી. ઘાયલ થયા બાદ પણ ઝૂમ પોતાનું કામ કરતો રહ્યો, જેને કારણે બે આતંકીઓણે તેણે મારી પછાડ્યા. ઝૂમનો શ્રીનગરમાં ઈલાજ ચાલી રહ્યો છે.