IND vs WI / વનડેની ફાઈનલ સીરિઝમાં આ 11 ભારતીય ખેલાડીઓ વેસ્ટઈન્ડીઝને આપશે ટક્કર

• આજે ભારત અને વેસ્ટ ઈન્ડીઝ વચ્ચે ખરાખરીનો જંગ
• આ 11 ભારતીય ખેલાડીઓ વેસ્ટઈન્ડીઝને આપશે ટક્કર
• આજે બપોરે 1:30 વાગ્યે શરૂ થશે મેચ

ઓપનર: ઇનિંગ્સ ઓપનિંગની જવાબદારી રોહિત શર્મા અને કેએલ રાહુલને સોંપવામાં આવશે. છેલ્લી મેચમાં બંનેએ પ્રથમ વિકેટ માટે 227 રનનો રેકોર્ડ બનાવ્યો હતો. રોહિતે અત્યાર સુધી સીરિઝની બે મેચમાં 36 અને 159 રન બનાવ્યા છે, જ્યારે રાહુલે 6 અને 102 રન બનાવ્યા છે.

નંબર 3: કેપ્ટન વિરાટ કોહલી પોતે 3 નંબર પર ઉતરશે. આ સીરીઝમાં વિરાટ કોહલી નિષ્ફળ ગયો છે. પ્રથમ મેચમાં ચાર રન બનાવ્યા સિવાય કેપ્ટન કોહલી બીજી મેચમાં ખાતું ખોલાવ્યા વિના જ આઉટ થયો હતો.

નંબર 4: શ્રેયસ અય્યર તકનો લાભ લેવામાં સફળ રહ્યો છે. વિશાખાપટ્ટનમમાં રમાયેલી બીજી વન ડે મેચમાં શ્રેયસ અય્યરે 32 બોલમાં ચાર છગ્ગા અને ત્રણ ચોગ્ગાની મદદથી 53 રન બનાવ્યા હતા.

નંબર 5: ઋષભ પંતને વિકેટ કીપિંગ અને 5 નંબર પર બેટિંગની જવાબદારી સોંપાશે. છેલ્લી મેચમાં ઋષભ પંતે ઝડપથી રન બનાવ્યા હતા. પંતે 16 બોલમાં 39 રન બનાવ્યા જેમાં ચાર છગ્ગા અને ત્રણ ચોગ્ગા સામેલ હતા.

ઓલરાઉન્ડર: કેદાર જાધવને નીચલા ક્રમમાં 6 નંબર પર તક મળી શકે છે. કેદાર જાધવ ટીમ ઇન્ડિયા માટે સ્પિન બોલર તરીકે પણ ઉપલબ્ધ છે. છેલ્લી મેચમાં કેદાર જાધવે અણનમ 16 રન બનાવ્યા હતા.

સ્પિન વિભાગ: આ મેચમાં રવિન્દ્ર જાડેજા અને કુલદીપ યાદવને સ્પિન વિભાગમાં તક આપી શકાય છે. બીજી વન ડેમાં શાનદાર હેટ્રિક લેનાર ચાઇનામેન બોલર કુલદીપ યાદવ આ મેચમાં પણ વધુ એક સિદ્ધિ હાંસલ કરવા માટે તૈયાર છે. કુલદીપે વન ડેમાં અત્યાર સુધીમાં 99 વિકેટ લીધી છે અને તે વિકેટની સદી ફટકારવામાં માત્ર એક વિકેટથી દૂર છે.

ફાસ્ટ બોલર: અનુભવી મોહમ્મદ શમી, શાર્દુલ ઠાકુર અને નવદીપ સૈનીની ફાસ્ટ બોલિંગને કારણે ત્રણેયને તક મળી શકે છે. ઇજાગ્રસ્ત દિપક ચહરની જગ્યાએ ટીમમાં સામેલ નવદીપ સૈની આ મેચથી પોતાની વન ડે ડેબ્યૂમાં પ્રવેશ કરી શકે છે.

ટીમ ઈન્ડિયાના સંભવિત પ્લેઇંગ ઇલેવન નીચે મુજબ છેઃ

ભારત: રોહિત શર્મા, કેએલ રાહુલ, વિરાટ કોહલી (કેપ્ટન), શ્રેયસ અય્યર, ઋષભ પંત (વિકેટકીપર), કેદાર જાધવ, રવિન્દ્ર જાડેજા, કુલદીપ યાદવ, મોહમ્મદ શમી, શાર્દુલ ઠાકુર નવદીપ સૈની.

તસવીરોઃ BCCI