ડેટા પ્રાઈવસી / સાવધાન! ભારત પોતાના નાગરિકોની ડેટા પ્રાઇવસી જાળવી રાખવામાં સૌથી નબળું, યાદીમાં ત્રીજા ક્રમે

ભારતનો દુનિયાના 47 દેશો વચ્ચે કરાયેલા પરીક્ષણમાં નાગરિકોની સૌથી અસુરક્ષિત ગોપનીયતામાં ત્રીજો ક્રમ આવ્યો છે. યુકેની રિસર્ચ સંસ્થા દ્વારા કરેલા આ પરીક્ષણમાં ભારતને 5 માંથી 2.4 ક્રમાંક મળ્યા છે.

નાગરિકોની ગુપ્તતા જાળવી રાખવામાં સૌથી નબળાં દેશો આ મુજબ છે.

1. ચીન
2. રશિયા
3. ભારત
4. થાઈલેન્ડ
5. મલેશિયા

આ યાદીમાં અમેરિકાનો 7મો ક્રમ આવે છે. યુરોપના દેશો નાગરિકોની ગુપ્તતા જાળવી રાખવામાં બીજા દેશોની સરખામણીમાં આગળ છે.

ભારતના ગુપ્તતા જાળવવામાં પાછળ રહેવાનું શું કારણ છે?

• આધાર આઇડેન્ટીફિકેશન સિસ્ટમ

આધાર કાર્ડ હેઠળ દરેક નાગરિકને યુનિક આઇડેન્ટીફિકેશન નંબર આપવામાં આવે છે. આ ડેટાબેઝમાં 1.23 અબજ લોકોની બાયોમેટ્રિક ઇન્ફોર્મેશન રહેલી છે. આ માહિતીઓમાં ખરીદી, વેચાણ, બેન્ક એકાઉન્ટ, વીમો વગેરે અતિશય ખાનગી બાબતોનો પણ સમાવેશ થાય છે. આ સિસ્ટમનો પહેલા પણ વિરોધ થઇ ચુક્યો છે.

• ડેટા પ્રોટેક્શન બીલ 

દેશમાં સરકાર તરફથી કોઈ લોકોની માહિતીની ગોપનીયતાને લગતી કોઈ સખત બંધારણીય જોગવાઈ અથવા કાયદાનો અભાવ છે. આ કારણોસર ડેટા પ્રાઇવસી સત્તાવાર લાગુ કરી શકાતી નથી.

• વોટ્સએપ ઉપર દેખરેખ 

દેશમાં સરકાર વડે લોકોના વોટ્સએપ અને ફેસબુકના એકાઉન્ટમાં દરેક મોકલેલ મેસેજ સાથે ડિજિટલ ફિંગરપ્રિન્ટ જોડવાની તજવીજ ચાલી રહી છે. જો આમ થશે તો લોકોની પ્રાઇવસી વધુ જોખમાશે.

• CCTV 

CCTVને લગતા દેશમાં કોઈ ચોક્કસ અને સખત કાયદાઓ નથી અને તેનો કોઈ પણ સંસ્થા કે વ્યક્તિ કોઈ પણ રીતે તેનો ઉપયોગ કરી રહ્યા છે.

• બીજા કારણો

સૂત્રોને મળેલી જાણકારી મુજબ હમણાં ભારતે 10 સરકારી એજન્સીને ગૃહ વિભાગની પરવાનગી પછી કોઈ પણ કમ્પ્યુટરની માહિતીને ડીક્રીપ્ટ અને મોનિટર કરવાની પરવાનગી આપી છે. આ ઉપરાંત ભારત થોડા થોડા સમયે માહિતી અમેરિકા સાથે પણ શેર કરે છે.

સૌથી વધુ ગોપનીયતાની સુરક્ષા ધરાવતા ટોચના દેશો

1. નોર્વે
2. સાઉથ આફ્રિકા
3. સ્વિત્ઝરલેન્ડ
4. આર્જેન્ટિના
5. કેનેડા