લદ્દાખમાં ભારત અને ચીનની સીમા પર તણાવ સતત ચાલી રહ્યો છે. બંને દેશોની વચ્ચે વાતચીતનો સિલસિલો સતત ચાલુ રહ્યો છે. પણ હવે તેનું કોઈ નક્કર પરિણામ સામે આવી રહ્યું નથી. મીડિયા રિપોર્ટ્સની માનીએ તો હાલમાં સીમા પર યુદ્ધ જેવી સ્થિતિ છે. ચીન પોતાની જિદ પર અડ્યું છે. એવામાં PM મોદીની લદ્દાખ વિઝિટને ખાસ ગણવામાં આવી રહી છે. PM સીમા પર સેનાના અધિકારીઓની સાથે સ્થિતિની બારીકાઈથી જાણકારી લઈ રહ્યા છે. કહેવાઈ રહ્યું છે કે પ્રધાનમંત્રી સૈનિકોનું મનોબળ વધારવા માટે સીમા પર પહોંચ્યા છે.
PM મોદી પહોંચ્યા લદ્દાખ
સેનાના અધિકારીઓ સાથે સ્થિતિની બારીકાઈ જાણી
સૈનિકોનું મનોબળ વધારવા સીમા પર પહોંચ્યા PM મોદી
51 સેકંડનો છે આ વીડિયો
PMના લેહમાં પહોંચ્યા તેનો એક નાનો વીડિયો જાહેર કરવામાં આવ્યો છે. આ વીડિયો ફક્ત 51 સેકંડનો છે. હાલની સ્થિતિને જોતાં આ વીડિયોની દરેક પળ મહત્વની છે. PM મોદી સવારે એરફોર્સના હેલીકોપ્ટરથી નીમૂ પોસ્ટ પહોંચ્યા હતા. અહીં સૌ પહેલાં તેઓએ નક્શા પર ચીન સાથેની નિયંત્રણ રેખા (LAC) ને સમજી. ફોટો અને વીડિયોમાં તમે જોઈ શકો છો કે સેનાના અધિકારીઓ પીએમને એક એક ચીજ બારીકાઈથી સમજાવી રહ્યા છે.
પ્રધાનમંત્રી મોદી પ્રમુખ રક્ષા અધ્યક્ષ જનરલ બિપિન રાવતની સાથે શુક્રવારે લેહ પહોંચ્યા. સૂત્રોએ જણાવ્યું કે મોદી સવારે સાડા 9 વાગે લેહ પહોંચ્યા. ત્યારબાદ તેઓ નીમૂ પહોંચ્યા. આ એક ફૉવૉર્ડ વિસ્તાર છે. અહીં પીએમએ થલસેના, વાયુસેના અને આઈટીબીપીના કર્મચારીઓ સાથે વાત કરી. સિંધુ નદીના તટ પર 11000 ફીટની ઉંચાઈ પર સ્થિત નીમૂ સૌથી દુર્ગમ વિસ્તારમાંનો એક છે. આ જંસ્કાર પર્વતની શૃંખલાથી ઘેરાયેલો છે.
ગયા મહિને થઈ હતી હિંસક ઝડપ
અહીં પીએમએ સેનાના અધિકારીઓ સાથે મુલાકાત કરી. આ સિવાય તે જવાનોને પણ મળ્યા. કહેવામાં આવી રહ્યું છે કે પીએમએ અહીં તાજેતરની સ્થિતિની માહિતી લીધી. ગયા મહિને ગલવાન ઘાટીમાં હિંસક ઝડપમાં ભારતના 20 સૈનિક શહીદ થયા હતા. દાવો કરવામાં આવી રહ્યો છે કે આ ઝડપમાં ચીનના પણ 45થી વધારે સૈનિકો માર્યા ગયા હતા.