- ભારત આગામી મેચ નેધરલેન્ડ સામે રમશે
- 12 નવેમ્બરે ભારત અને નવેમ્બરે વચ્ચે મેચ રમાશે
- પ્લેઈંગ ઈલેવનમાં મોટો ફેરફાર થઈ શકે છે
ICC વર્લ્ડ કપ 2023માં ભારત આગામી મેચ નેધરલેન્ડ સામે રમશે. બેંગલુરુના ચિન્નાસ્વામી ક્રિકેટ સ્ટેડિયમમાં 12 નવેમ્બરે ભારત અને નવેમ્બરે વચ્ચે મેચ રમાશે. ભારતે પોઈન્ટ ટેબલમાં ટોપ પર સ્થાન મેળવ્યું છે. ભારતની પ્લેઈંગ ઈલેવનમાં મોટો ફેરફાર થઈ શકે છે. આ પ્લેઈંગ ઈલેવનમાંથી ત્રણ સ્ટાર ખેલાડીઓને બહાર કરવામાં આવી શકે છે.
પ્લેઈંગ ઈલેવનમાં ફેરફાર શા માટે કરવામાં આવશે
આગામી મુકાબલો ભારત માટે માત્ર ઔપચારિકતા રહેશે. જેથી કેપ્ટન રોહિત શર્મા કેટલાક સ્ટાર ખેલાડીઓને આરામ આપી શકે છે અને ટીમમાં કેટલાક નવા ચહેરાઓને તક આપી શકે છે. નેધરલેન્ડ સામેની મેચ પછી ભારતીય ટીમ સેમિફાઈનલ મેચ રમશે. આ મેચમાં તમામ ખેલાડીઓ ફિટ રહે તે જરૂરી છે. જો કોઈ ખેલાડી ઈજાગ્રસ્ત થશે તો રોહિત શર્માએ તેનું બેકઅપ લેવો પડશે.
ટીમમાં 3 ફેરફાર થશે
કેપ્ટન રોહિત શર્મા પ્લેઇંગ ઇલેવનમાં 3 મોટા ફેરફાર કરી શકે છે. સૌથી પહેલા ફાસ્ટ બોલર જસપ્રીત બુમરાહના સ્થાને પ્રસિદ્ધ કૃષ્ણાને તક આપવામાં આવી શકે છે. રવિન્દ્ર જાડેજાના સ્થાને રવિચંદ્રન અશ્વિનને તક આપવામાં આવી શકે છે. વાઈસ કેપ્ટન કે. એલ. રાહુલની જગ્યાએ ઈશાન કિશનને તક આપવામાં આવી શકે છે. ભારતીય ટીમ માટે આ 3 ખેલાડીઓ મહત્વપૂર્ણ છે. જેથી આ ખેલાડીઓને આરામ આપવામાં આવી શકે છે.
