રિલાયન્સ ઈન્ડસ્ટ્રીઝનાં ચેરમેન અને બિઝનેસમેન મુકેશ અંબાણીનો એક વીડિયો સોશિયલ મીડિયા પર વાયરલ થઈ રહ્યો છે. જેમાં તે કહેતા જોવા મળે છે કે માતા અને પિતાથી મોટો કોઈ 'જી' નથી.
રિલાયન્સ ઈન્ડસ્ટ્રીઝના ચેરમેન અને ઉદ્યોગપતિ મુકેશ અંબાણીએ પંડિત દીનદયાલ એનર્જી યુનિવર્સિટી ગાંધીનગર, ગુજરાતના વિદ્યાર્થીઓને સંબોધિત કરતી વખતે G/ji વચ્ચેનો તફાવત જણાવ્યો હતો. મુકેશ અંબાણીએ કહ્યું કે માતા અને પિતાથી મોટો કોઈ 'જી' નથી. વિદ્યાર્થીઓને સંબોધતા મુકેશ અંબાણીએ તેમને માતા-પિતા તરફથી મળેલા સમર્થનને યાદ કરીને તેમને સૌથી વિશ્વસનીય આધારસ્તંભ ગણાવ્યા.
દુનિયામાં માતા અને પિતાથી સૌથી મોટો 'જી' કોઈ નથી
મુકેશ અંબાણીએ દેશમાં 4G અને 5G નેટવર્કની પ્રગતિ પર વાત કરી હતી અને કહ્યું કે હું તમને તમારી ભાષામાં યુવાનોની ભાષામાં કંઈક કહું.. આજકાલ દરેક યુવાનો 4G અને 5G વિશે ઉત્સાહિત છે પણ આ દુનિયામાં માતા અને પિતાથી સૌથી મોટો 'જી' કોઈ નથી. તે તમારી તાકાતનો સૌથી વિશ્વાસુ આધારસ્તંભ હતો અને રહેશે.
તમારી પાંખમાં તમારા માતા-પિતા અને વડીલો છે
તેમણે વધુમાં ઉમેર્યું હતું કે, આજે આર્ક લાઈટ તમારા પર છે. પરંતુ તમારી પાંખમાં તમારા માતા-પિતા અને વડીલો છે. તેઓ તમારા સ્ટેજ પર ચાલવા અને તમારૂ ગ્રેજ્યુએશન સર્ટિફિકેટ પ્રાપ્ત કરવાની આતુરતાથી રાહ જોઈ રહ્યા છે. આ તેમનું જીવનભરનું સ્વપ્ન રહ્યું છે. રિલાસન્સના ચેરમેને કહ્યું કે તમને અહીંયા સુધી પહોંચવા માટે તેઓએ આપેલ સંઘર્ષ અને બલિદાન ક્યારેય ભૂલાશે નહીં. તમારી સફળતામાં તેમનો ફાળો રહેલો છે.