એક ચૂટકી સિંદૂર કી કિંમત તુમ ક્યા જાનો રમેશ બાબૂ...આ લાઇન ઇમોશનલ છે પરંતુ ખરેખર કોઇ લગ્ન માત્ર એક ચૂટકી સિંદૂર કોઇના લગ્ન તોડાવી શકે ખરા?
મહારાષ્ટ્રમાં અજીબ કિસ્સો આવ્યો સામે
છોકરાની માતાને બ્રાંડેડ સિંદુર ન આપતા તોડ્યા લગ્ન
છોકરીના પિતાએ પોલીસ સ્ટેશનમાં નોંધાવી ફરિયાદ
મહારાષ્ટ્રના પાલઘરમાં જિલ્લામાં એક આવો જ કિસ્સો સામે આવ્યો છે. જેમાં થોડા દિવસ પહેલા જ સગાઇ થઇ અને બંને પક્ષ તરફથી સગાઇમાં 30-40 લોકો સામેલ થયા હતા. આ કાર્યક્રમ ખુબ જ ધામધૂમથી ઉજવાયો હતો. એક દિવસ છોકરાના પિતાએ ફોન કર્યો કે આ લગ્ન નહી થઇ શકે અને તેનુ કારણ કહ્યું કે છોકરાની માતાને બ્રાન્ડેડ સિંદૂર નહોતુ મોકલાવ્યું.
છોકરીના પિતાએ લગાવ્યો આરોપ
છોકરીના પિતા દિલીપ પાટીલનું કહેવું છે કે છોકરાના માતા-પિતા આવ્યા હતા. અમે અમારી હેસિયત પ્રમાણે તેમનુ સ્વાગત કર્યુ. તેમને કપડા અને અન્ય સામાન આપીને સંપૂર્ણ સત્કારકર્યો પરંતુ તે લોકો પરત ફર્યા ત્યારે તેમણે ફોન કર્યો અને કહ્યું કે વરની માતાને તમે બ્રાન્ડેડ સિંદૂર નહોતુ આપ્યું.
પહેલા તો છોકરીના પિતાએ પ્રયત્ન કર્યો કે કોઇ પણ પ્રકારે વાત વણસે નહી પરંતુ બાદમાં પોલીસ સ્ટેશન મામલો પહોંચ્યો હતો.
તપાસમાં જોડાઇ પોલીસ
સબ ઇન્સ્પેક્ટર રુપાલીએ જણાવ્યું કે, કન્યાપક્ષ તરફથી કરવામાં આવેલી ફરિયાદ પર અમે IPCની ધારા 420, 417 અને 500 હેઠળ તપાસ શરૂ કરવામાં આવી છે. બ્રાંડેડ સિંદુરે આ લગ્ન અટકાવ્યા.