IPLIN
 
  • Home
  • India
  • In Huge Setback, AAP Loses Bhagwant Mann's Seat In Lok Sabha Bypoll

પેટાચૂંટણી / CM બન્યાના ત્રણ મહિનામાં ધરાશાયી થયો ભગવંત માનનો ગઢ, સંગરુર બેઠક પર AAPનો પરાજય, સિમરનજીતસિંહ જીત્યાં

Team VTV 02:59 PM, 26 Jun 22 | Updated: 03:16 PM, 26 Jun 22
Follow us
In Huge Setback, AAP Loses Bhagwant Mann's Seat In Lok Sabha Bypoll

મુખ્યમંત્રી બન્યાંના 3 મહિનામાં ભગંવત માન અને આમ આદમી પાર્ટીને પંજાબમાં મોટો ઝટકો લાગ્યો છે.

  • પંજાબમાં સત્તા બાદ AAPને તગડો ઝટકો
  • સંગરુર પેટાચૂંટણીમાં કારમો પરાજય
  • અકાલીના સિમરનજીતસિંહનો વિજય 
  • ભગવંત માન મુખ્યમંત્રી બનતા ખાલી પડી હતી બેઠક 

પંજાબમાં લોકસભાની સંગરુર બેઠક પર આમ આદમી પાર્ટીનો ઘોર પરાજય થયો છે. સંગરુર પેટાચૂંટણીમાં અકાલી દળના સિમરનજીત સિંહે આપના ગુરમૈલ સિંહને 7000 વોટોથી પરાજય આપ્યો હતો. 

ભગવંત માન પોતાનો ગઢ બચાવવામાં નિષ્ફળ રહ્યા
પંજાબના સંગરુરમાં લોકસભાની પેટાચૂંટણી આમ આદમી પાર્ટીને મોટો ફટકો પડ્યો છે. ભગવંત માન ધારાસભ્ય બન્યા બાદ ખાલી પડેલી આ સીટ પર શિરોમણી અકાલી દળ (અમૃતસર)ના ઉમેદવાર સિમરનજીત સિંહ માનને મોટી જીત મળી છે. સાથે જ એવું પણ માનવામાં આવી રહ્યું છે કે, રાજ્યમાં સરકાર બનાવવા છતાં ભગવંત માન પોતાનો ગઢ બચાવવામાં નિષ્ફળ રહ્યા અને માત્ર ત્રણ મહિનામાં જ તેમનો કિલ્લો તૂટી પડ્યો.

7000 વોટોથી અકાલીના સિમરનજીત સિંહની જીત

અકાલીના સિમરનજીત સિંહે આપના ઉમેદવાર ગુરમૈલ સિંહને 7000 વોટોથી પરાજય આપીને સંગરુર બેઠક કબજે કરી લીધી છે. 
ભગવંત માનની હાર અને સિમરનજીત સિંહ માનની જીત પાછળ સિદ્ધુ મુસેવાલા મર્ડર કેસનો પણ મોટો રોલ માનવામાં આવી રહ્યો છે. મુસેવાલાની હત્યા બાદ પંજાબમાં કાયદો અને વ્યવસ્થાને લઇને આપ સરકાર સામે નારાજગી જોવા મળી હતી. આ દરમિયાન સિમરનજીત સિંહ માનએ મુસેવાલાનું સમર્થન કર્યું હતું અને માન સરકારને આડેહાથ લીધી હતી.

સિમરનજીત ભૂતકાળમાં સંગરુરથી સાંસદ રહી ચૂક્યા છે
પૂર્વ આઈપીએસ અધિકારી સિમરનજીત સિંહ માન 1999માં પણ સંગરુર બેઠક પરથી લોકસભાની ચૂંટણી જીત્યા હતા. સિદ્ધુએ મુસેવાલાના મૃત્યુને મુદ્દો બનાવી દીધો હતો અને આમ આદમી પાર્ટી વિરુદ્ધ આક્રમક રીતે પ્રચાર કરી રહ્યા હતા. સાથે જ આમ આદમી પાર્ટી તરફથી પ્રચાર માટે ભગવંત માન જવાબદાર હતા. આપના સંયોજક અરવિંદ કેજરીવાલે અહીં રોડ શો પણ કર્યો હતો. આ ઉપરાંત આમ આદમી પાર્ટીની સરકારના તમામ મંત્રીઓ અને 92 ધારાસભ્યોએ પણ પ્રચાર કર્યો હતો. આવી સ્થિતિમાં, જો પરિણામ આમ આદમી પાર્ટીની વિરુદ્ધમાં આવે છે, તો તે તેના માટે તેની પ્રતિષ્ઠા ગુમાવવા જેવું હશે.

આપના પરાજય પાછળ સિદ્ધૂ મૂસેવાલા હત્યાકાંડની મોટી ભૂમિકા 
ભગવંત માનની હાર અને સિમરનજીત સિંહની માનની જીત પાછળ સિદ્ધૂ મૂસેવાલા હત્યાકાંડની પણ મોટી ભૂમિકા હોવાનું મનાઈ રહ્યું છે. આપ સરકારે હત્યાના એક દિવસ પહેલા સિંગર સિદ્ધૂ મૂસેવાલાની સુરક્ષા હટાવી હતી જેને કારણે ગુનેગારો તેમની હત્યા કરવામાં સફળ રહ્યાં હતા. આને કારણે લોકોમા મોટી નારાજગી જોવા મળી હતી અને તેની અસર સંગરુર પેટાચૂંટણીમાં જોવા મળી હતી અને તેને કારણે અકાલીના ઉમેદવારની જીત થઈ હતી. 

Punjab Bypoll aap Simranjit Singh Mann પંજાબ પેટાચૂંટણી આમ આદમી પાર્ટી ઈન પંજાબ સિમરનજીત સિંહ માન ભગવંત માન સંગરુર પેટાચૂંટણી
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ