શનિવારે રાત્રે IIFA 2022ની શરૂઆત ખૂબ શાનદાર રહી. IIFA 2022માં વિક્કી કૌશલને તેની ફિલ્મ ઉધમ સિંહ માટે બેસ્ટ અભિનેતાનો એવોર્ડ મળ્યો. તો કૃતિ સેનન ફિલ્મ મિમી માટે બેસ્ટ અભિનેત્રીના એવોર્ડની બાજી મારી ગઇ.
રાખી સાવંતના ઈન્સ્ટાગ્રામ એકાઉન્ટ પર એક વીડિયો પોસ્ટ કરાયો
રાખીએ સલમાનને આપ્યો એવોર્ડ
IIFA એવોર્ડસની રાત બોલીવુડ સેલિબ્રિટીઓથી શોભી રહી હતી. સેલિબ્રિટીઓ સ્ટેજ પર એવોર્ડ્સ લેવા આવી રહ્યાં હતા ત્યારે રાખી સાવંતે પણ તેના ફેવરિટ અભિનેતા સલમાન ખાનને એક સ્પેશિયલ એવોર્ડ આપ્યો. આપણે બધા જાણીએ છીએ કે સલમાન ખાનના દિલમાં રાખી સાવંત માટે એક સોફ્ટ કૉર્નર છે, જે બિગ બૉસ 14 અને 15 દરમ્યાન સ્પષ્ટ રીતે જોવા મળ્યું છે. IIFA 2022માં સલમાન ખાનની સાથે રાખી સાવંત પણ ત્યાં પહોંચી. આ દરમ્યાન તેણે સલમાનને બેસ્ટ અભિનેતાનો એવોર્ડ પણ આપ્યો. હકીકતમાં રાખી સાવંતના ઈન્સ્ટાગ્રામ એકાઉન્ટ પર એક વીડિયો પોસ્ટ કરવામાં આવ્યો છે.
વીડિયોમાં રાખી ગ્રીન કાર્પેટમાં પોતાનાથી મોટો એવોર્ડ પકડીને ઉભી રહી છે. રાખી માટે મોટા એવોર્ડને પકડવુ થોડુ મુશ્કેલ રહ્યું. પરંતુ તેણે સલમાન માટે આ પણ કરી બતાવ્યું. હાથમાં એવોર્ડ પકડીને રાખી કહી રહી છે કે બિગ બૉસ હોસ્ટ કરવા અને તેમની બધી ફિલ્મો માટે બેસ્ટ અભિનેતાનો એવોર્ડ સલમાન ખાનને જાય છે. રાખીના વીડિયો પર કોમેન્ટસ આવવી સ્વાભાવિક છે. વીડિયો જોયા બાદ ઘણા લોકોનુ હાસ્ય રોકાયુ નહીં તો ઘણા લોકોએ રાખીના લુકના વખાણ પણ કર્યા.