જો તમે ICICI બેંકના ગ્રાહક છો તો તમારા માટે ખૂબ જ કામના સમાચાર છે. ફટાફટ જાણી લો નહીંતર થશે નુકસાન.
ICICI બેંકના ગ્રાહકો માટે કામના સમાચાર
1 ઓગસ્ટથી થવાના છે આ મોટા ફેરફાર
ગ્રાહકોએ ચૂકવવો પડશે આ ચાર્જ
દેશની સૌથી મોટી પ્રાઈવેટ બેંક 1 ઓગસ્ટથી કેટલાક મોટા ફેરફાર કરવા જઈ રહી છે. 1 ઓગસ્ટથી બેંકના એટીએમમાંથી કેશ ઉપાડવા માટે ચાર્જ ચૂકવવો પડશે. સાથે જ ચેકબુકના નિયમોમાં પણ ફેરફાર થવાનો છે. ICICI બેંક ગ્રાહકોને 4 ફ્રી ટ્રાન્ઝેક્શન આપે છે. 4વાર પૈસા ઉપાડ્યા બાદ તમારે ચાર્જ ચૂકવવો પડશે. તમને જણાવી દઈએ કે, એસબીઆઈ બેંકે 1 જુલાઈથી આવા જ નિયમોમાં બદલાવ કર્યા છે. ચાલો જાણીએ.
1 ઓગસ્ટથી થશે ફેરફાર
ઓગસ્ટથી આઈસીઆઈસીઆઈ બેંકના ગ્રાહકો તેમની હોમ શાખામાંથી 1 લાખ રૂપિયા સુધીની રકમ ઉપાડી શકે છે.
આના કરતા વધારે રકમ હોય તો દર 1000 દીઠ 5 રૂપિયા ચૂકવવા પડશે.
હોમ શાખા સિવાયની અન્ય શાખાઓમાંથી પૈસા ઉપાડવા માટે દરરોજ 25,000 રૂપિયા સુધીની કેશ ઉપાડ માટે કોઈ ચાર્જ નથી.
તે પછી 1000 રૂપિયા ઉપાડવા માટે 5 રૂપિયા ચૂકવવા પડશે.
ચેક બુક પર આટલો ચાર્જ લેવામાં આવશે
25 પેજ ચેક બુક મફત હશે.
આ પછી તમારે અતિરિક્ત ચેક બુક માટે 10 પાના દીઠ 20 રૂપિયા ચૂકવવા પડશે.
એટીએમ ઇન્ટરચેન્જ ટ્રાન્ઝેક્શન
બેંકની વેબસાઇટ મુજબ એટીએમ ઇન્ટરચેન્જ ટ્રાન્ઝેક્શન પર પણ ચાર્જ લેવામાં આવશે.
1 મહિનામાં 6 મેટ્રો લોકેશન પર પહેલાં 3 ટ્રાન્ઝેક્શન ફ્રી હશે.
એક મહિનામાં અન્ય તમામ સ્થળો પર પહેલાં 5 ટ્રાન્ઝેક્શન ફ્રી હશે.
20 રૂપિયા પ્રતિ નાણાકીય લેવડદેવડ અને બિન-નાણાકીય લેવડદેવડ પર 8.50 રૂપિયા ચાર્જ આપવો પડશે.